किसानका लागि छुट्याइएको स्टल सुनसान, के भन्छ बजार विकास समिति ?



किसानले उत्पादन गरेको तरकारी आफै बेच्न पाउने भनेर ल्याइएको ‘होल्डिङ /अक्सन यार्ड’ योजनामा किसानको न्यून सहभागिता देखिएको छ ।

किसानको लागि ल्याइएको योजनामा साँझ ७ बजेदेखि विहानको ४ बजेसम्म तरकारी बेच्ने समय तोकिएको छ । मेरोलाइफ स्टाइलको टिम मंगलबार साँझ ७ बजे कालिमाटी फलफूलले छुट्ट्याइएको स्थलमा अवलोकन गर्न पुगेको थियो । तर, किसानको उपस्थिति देखिएन । कालिमाटी तरकारी तथा फलफूल समितिका छुट्याइएको १२ वटा स्टल पुरै सुनसान थियो ।

कालिमाटी तरकारी तथा फलफूल बजार विकास समितिका वरिष्ठ अधिकृत मनोज धितालले योजनाबारे किसानले सूचना पाउन नसकेकाले र आन्तरिक उत्पादन घटेकाले किसानहरूको न्यून सहभागिता देखिएको बताए । उनले भने, ‘हामी यो योजना लिएर परीक्षणमै छौं, अहिलेसम्म ९ जना किसानहरू आफ्नो उत्पादन ल्याएर बिक्री गरिसकेका छन् । थप योजनाबारे कृषि ज्ञान केन्द्रमा जानकारी गराएका छौं ।’

विचौलिया विना किसानले सिधै तरकारी बेच्न पाउने यो योजनाबारे चितवन, धादिङ, मकवानपुरका कृषि ज्ञान केन्द्रलाई जानकारी गराइएको अधिकृत धितालले बताए । उनका अनुसार ९ जना सहभागी भएका किसान उपत्यकाका भक्तपुर र ललितपुरका रहेका छन् ।

बजार विकास समितिले किसानका लागि छुट्याएको स्टलमा किसानको नामका लागि मात्र रहेको बताउँछन् प्रत्यक्षदर्शी व्यापारी । कतिपय किसानहरू तरकारी ल्याएर स्टलमा तरकारी नराखी बाहिर नै बिक्री गरी फर्किने बताउँछन् उनीहरू ।

उनीहरूका अनुसार दिनभर थाकेका किसानलाई रातिको लागि छुट्याइएको समय उपर्युक्त नभएकाले सहभागिता न्यून भएको हो । यसका साथै किसानले आफूले उत्पादन गरेको तरकारी बेच्नका लागि कम्तीमा २ टन हुनैपर्ने भएकाले पनि किसानहरूको यसमा न्यून उपस्थिति रहेको उनीहरूको बुझाई छ । किनभने एक पटकमा दुई टन तरकारी उत्पादन गरेर बेच्ने हैसियत भएका किसानको संख्या काठमाडौंमा न्यून छ ।

समितिले गत साता ल्याएको यस योजनामा किसानले तरकारी कम्तिमा २ टन ल्याउनु पर्नेछ । प्रति टन २ सय रुपैयाँको दरले समितिलाई शुल्क तिर्नुपर्ने नियम तोकिएको छ । सो भन्दा बढी तरकारी ल्याएमा २० पैसाको प्रतिकिलोका दरले समितिलाई शुल्क बुझाउनु पर्नेछ । यसरी ल्याएको तरकारी थोकमै बेच्नु पर्नेछ ।

यो पनि पढ्नुहोस् ।

पाउलान् त किसानले तरकारीको सही मोल ?



Leave a Reply

Your email address will not be published.

सम्बन्धित खबरहरु

हाम्रो शरीरको ६० प्रतिशतभन्दा बढी भाग पानीले बनेको हुन्छ । पानी बिना जीवन छैन। शरीरमा पर्याप्त मात्रामा पानी भएको कारणले

आज हामी तपाईँलाई एउटा यस्तो अदालतको बारेमा बताउन गइरहेका छौँ, जहाँ मानिस होइन भूतलाई सजाय हुन्छ । तपाईँले संसारका यस्ता

लगातार चार कारोबार दिन घटेपनि बुधबार सेयर बजार ४.९७ अंकले बढेको छ। आज नेप्से परिसूचक ४.९७ प्रतिशतले बढेर २११६.६५ बिन्दुमा

नङको सौन्दर्य बढाउन महिलाहरूले विभिन्न प्रकारका नेल पेन्टको प्रयोग गर्छन् । यसले हातको सौन्दर्य मात्र बढाउँदैन, तपाईँको समग्र लुक सुधार्न

Suggested