जनक शिक्षालाई दुई करोड मतपत्र छाप्न दिँदै आयोग
निर्वाचन आयोगले जनक शिक्षा सामग्री केन्द्रलाई दुई करोड मतपत्र छपाई गर्न दिने निर्णय गरेको छ । आयोगले मतपत्र छपाइका लागि तयारी गर्न पनि केन्द्रलाई निर्देशन दिइएको आयोगका प्रवक्ता शालिग्राम शर्मा पौडेलले जानकारी दिए ।
यही चैत १४ देखि मतपत्र छपाई शुरु गर्ने तयारी भएको छ । हिमाली तथा दुर्गम जिल्लाका लागि अलि अगाडि नै मतपत्र छापेर ति क्षेत्रमा पुर्याइने र सुगम क्षेत्रमा पुऱ्याउनका अलि पछि छापिने उनले बताए । केन्द्रलाई आगामी वैशाख २० गतेसम्म मतपत्र छपाइको काम सक्न निर्देशन दिइएको छ ।
अन्तिम मतदाता नामावली प्रकाशन
यसैबीच, आयोगले आज अन्तिम मतदाता नामावली प्रकाशन गर्ने तयारी गरेको छ ।
यसअघि, करिब १ करोड ७५ लाख मतदाता रहेकोमा दावी विरोधपछि केही घटेर आउने आयोगले अनुमान गरेको छ ।
यो पनि
स्थानीय तहको पाँच वर्ष : पूर्वाधार विकासमा प्रगति
निर्वाचन आचारसंहिता कति व्यवहारिक ?
