ह्वात्तै बढ्यो कागतीको मूल्य

कालीमाटी फलफूल तथा तरकारी बजार विकास समितिले फलफूल तथा तरकारीको दैनिक थोक तथा खुद्रा मूल्य सार्वजनिक गरेको छ ।

समितिका अनुसार आज चैत १० गते बिहीबार एक किलोग्राम कागतीको मूल्य २७६ रूपैयाँ ६७ पैसा तोकिएको छ । बुधबार १९० रूपैयाँ तोकिएको थियो । त्यसैगरी एक किलोग्राम गोलभेंडाको मूल्य ६० रूपैयाँ तोकिएको छ ।

एक किलोग्राम रातो आलुको मूल्य २६ रूपैयाँ ५० पैसा तोकिएको छ भने सुकेको प्याजको ३६ रूपैयाँ ५० पैसा छ । त्यसैगरी एक किलोग्राम गाँजरको मूल्य ३५ रूपैयाँ तोकिएको समितिले जनाएको छ ।

एक किलोग्राम काउलीको मूल्य १७ रूपैयाँ ५० पैसा, रातो मूला ४६ रूपैयाँ ६७ पैसा, सेतो मूला १७ रूपैयाँ ५० पैसा, भन्टा ५६ रूपैयाँ ६७ पैसा, मटरकोशा ३६ रूपैयाँ ६७ पैसा तोकिएको छ ।

त्यसैगरी समितिले एक दर्जन केराको मूल्य १२५ रूपैयाँ तोकेको छ । एक किलोग्राम सुन्तलाको मूल्य १५६ रूपैयाँ ६७ पैसा तोकिएको छ । एक किलोग्राम कालो अंगुरको मूल्य १९० रूपैयाँ तोक्दा हरियो अंगुरको मूल्य ११० रूपैयाँ तोकिएको छ ।

यो पनि…
कोही रिसाए के गर्ने ?
बिहान टाउको दुख्ने कारण थाहा पाउनुहोस्