बलिउड सेलिब्रेटीहरुमा कोरोना लहर बढ्दो



बलिउड अभिनेता आमिर खान हालै कोभिड-१९ सङ्क्रमित भएका छन्, यो कुराको जानकारी उनका प्रवक्ताले दिएका हुन् । कोरोना पोजेटिभ देखिएपछि आफु होम क्वारेन्टाइन बसेको उनले सोसल मिडिया मार्फत् जानकारी दिएका हुन् । उनका फ्यानले उनलाई स्वास्थ्य लाभको कामना गरिरहेका छन् ।

बलिउडका अन्य सेलिब्रेटीहरुमा पनि हालै कोरोना पोजेटिभ देखिएको छ । कोरोना पोजेटिभ देखिएका मध्ये कति सेलिब्रेटिहरु पूर्ण रूपमा निको पनि भइसकेका छन् भने कतिपय निको हुने अवस्थामा रहेका छन् ।

रणवीर कपूर

अभिनेता रणवीर कपूरलाई पनि हालसालै कोरोना पोजेटिभ देखिएको थियो । उनलाई कोरोना पोजेटिभ भएको जानकारी उनकी आमा तथा अभिनेत्री नीतु कपूरले सोसल मिडिया मार्फत् दिएकी थिइन् । तर केही दिन अघि रणविरले आफू कोरोना मुक्त भएको जानकारी सोसल मिडिया मार्फत् नै दिएका थिए ।

आलिया भाट

रणविर कपूर कोभिड मुक्त भएको एक सातापछि उनको गर्लफ्रेण्ड तथा अभिनेत्री आलिया भाटलाई पनि कोरोना पोजेटिभ भयो, उनले शुक्रवार सोसल मिडियामार्फत् यसको जानकारी दिएकी हुन् । उनले लेखेकी छिन् ‘मलाई कोरोना पोजेटिभ देखिएको छ । म अहिले आइसोलेसनमा छु र केही दिनमा क्वारेन्टाइनमा बस्ने छु ।’

फतिमा सना सेख

बलिउडका अन्य धेरै सेलिब्रेटीहरुलाई जस्तै फतिमा सना सेखलाई पनि कोरोना पोजेटिभ देखिएको छ । दङ्गल फिल्मकी अभिनेत्री फतिमा सना सेखलाई गत सोमबार कोरोना पोजेटिभ देखिएको हो । उनी पनि अहिले होम कोरेन्टीनमा बसिरहेकी छन् ।

सचिन तेन्दुलकर

बलिउडका चर्चित सेलिब्रेटी क्रिकेटर सचिन तेन्दुलकरलाई पनि मार्च २७ मा कोरोना पोजेटिभ देखियो । उनले शनिवार ट्विट मार्फत आफूलाई कोरोना पोजेटिभ भएको जानकारी दिएका थिए । आफु अहिले होम क्वारेन्टीनमा बसेको पनि उनले बताए ।

कार्तिक आर्यन

बलिउड अभिनेता कार्तिक आर्यनलाई पनि हालै कोरोना सङ्क्रमण भएको थियो । उनी पनि आफ्नै घरमा कोरेन्टीनमा बसे । कोरेन्टीनमा बसेको बेला उनले एकता कपूर निर्मित सिरियलहरू हेरेर समय बिताएको इन्ष्टा मार्फत जानकारी दिएका थिए ।

बप्पी लहरी

बलिउडका पपुलर सिंगर एवं म्युजिक कम्पोजर बप्पी लहरीलाई पनि बिहीवार कोरोना पोजेटिभ देखिएको छ । कोरोना पोजेटिभ देखिने बित्तिकै उनलाई मुम्बईको ब्रिच कैण्डी अस्पतालमा भर्ना गरिएको भारतीय सञ्चार माध्यमले जनाएको छ । बप्पी लहरीलाई सङ्क्रमण भएको जानकारी उनको छोरी रीमाले एक स्टेटमेन्ट मार्फत् दिएकी थिइन् ।

रुपाली गंगोली

स्टार प्लसको लोकप्रिय सिरियल अनुपमाको मुख्य भूमिकामा रहेकी अभिनेत्री रुपाली गंगोली (अनुपमालाई) पनि कोरोना पोजेटिभ देखिएको छ । सिरियलको लिड रोलमा रहेकी उनलाई कोरोना पोजेटिभ देखिएपछि सिरियलको सुटिङ रोकिएको छ ।

यो भन्दा अघि पनि थुप्रै बलिउड सेलिब्रेटीहरुलाई कोरोना पोजेटिभ देखिसकेको छ । बलिउडका चर्चित अभिनेता अमिताभ बच्चन र उनको परिवार, मलाईका अरोरा, अर्जुन कपुर, अनुपम खेर तथा वरुण धवन जस्ता चर्चित सेलिब्रेटीहरुलाई पनि कोरोना पोजेटिभ देखिएको थियो । उनीहरू अहिले कोरोना मुक्त भइसकेका छन् ।



Leave a Reply

Your email address will not be published. Required fields are marked *

सम्बन्धित खबरहरु

पाल्पा ढाका कपडाले प्रसिद्ध जिल्ला हो । यहाँ आउने जो–कोहीले पनि ढाका कपडाबाट उत्पादित सामान कोसेलीका रुपमा अन्यत्र लैजाने गर्छन्

कोभिड- १९ विरुद्धको एस्ट्राजेनेका खोपको दोस्रो मात्रा आज मंगलबारदेखि काठमाडौं जिल्लामा लगाइँदैछ । काठमाडौं महानगरपालिका तथा कीर्तिपुर, चन्द्रागिरि, नागार्जुन, कागेश्वरी

आकस्मिक गर्भनिरोधक साधनको प्रयोग असुरक्षित यौनसम्पर्क हुँदा वा परिवार नियोजनको अस्थायी साधनको असफलतापछि अनावश्यक गर्भ रोक्ने सुरक्षित र सरल तरिका

नायक पल शाह र गायिका समीक्षा अधिकारी केही समययता चर्चामा छन् । उनीहरूबीचको अन्तरंग सम्बन्धबारे फिल्मनगरीमा चर्चा चल्न थालेपछि यी दुई केही