रात्रिकालीन व्यवसायमा लगाइएको समयसीमा खारेज
सरकारले रात्रिकालीन व्यवसायमा बेलुकी ९ बजेसम्म लगाएको समयसीमा खारेज गरेको छ । गृह मन्त्रालयले होटल, रेस्टुरेन्ट, डान्सबारलगायत सबै किसिमका रात्रिकालीन व्यवसायलाई अब रातभर सञ्चालन गर्न दिने भएको हो ।
रात्रिकालीन व्यवसाय सञ्चालनबारे अध्ययन गरेर मापदण्ड बनाउन गृहमन्त्री बालकृष्ण खाणले मन्त्रालयका शान्ति सुरक्षा महाशाखाका प्रमुख फणिन्द्रमणि पोखरेलको नेतृत्वमा १४ सदस्यीय कार्यदल बनाएका थिए ।
कार्यदलको सिफारिस अनुसार रात्रिकालीन व्यवसायलाई रातभर सञ्चालन गर्न दिने निर्णय भएको मन्त्रालय स्रोतले जनाएको छ । पछिल्लो समय प्रहरीले रेस्टुरेन्टहरूलाई राति ९ बजे नै बन्द गराउँदै आएको थियो ।
यो पनि…
पार्टनरलाई कसरी सन्तुष्ट पार्न सकिन्छ ? अपनाउनुहोस् यी टिप्स
महिलाले सेक्सबारे दिनमा कतिपटक सोच्लान् ?
