एकदिने हाइकिङ : बलथलीबाट च्यासीङ्खर्क हुँदै डाँडागाउँ



शनिवारको दिन कतै बाहिर गएर मूड फ्रेस गर्ने मन कसलाई हुँदैन ? तर हामीलाई कता जाने भन्ने समस्या भने आइ नै रहन्छ । शनिवार परिवार, साथीभाई र प्रेमील जोडी कतै बाहिर गएर हप्ताभरको टेन्सन र बोझ हल्का गर्न चाहन्छन् ।

तर कतिपयले उचित स्थान चयन गर्न नसक्दा हप्तामा एक दिन पाएको बिदा पनि खल्लो हुन्छ भने उचित स्थान र उचित गन्तव्यसहित गरिने यात्रा अविस्मरणीय रमाइलो बन्न सक्ने नियमित रुपमा हाइकिङ गराउँदै आएको हाइक फर नेपालका गणेश शर्मा बताउँछन् ।

हाइक फर नेपालले यस शनिवार बागमती अञ्चलको काभ्रेपलाञ्चोक जिल्लामा अवस्थित एक गाउँ बल्थलीबाट च्यासीङ्खर्क गाउँ हुँदै डाँडागाउँ हाइकिङ गराउँदै छ ।

१ दिनको हाइकिङ

बल्थलीबाट च्यासीङ्खर्क हुँदै डाँडागाउँको हाइकिङ चैत्र २१ गतेको योजना हो । हाइकिङको लागि काडमाडौँबाट बिहान ७ बजे हिड्ने योजना छ । जसअनुसार इच्छुकहरू बिहान ६ बजेर ४० मिनेटमा भृकुटिमण्डपमा उपस्थित भइसक्नु पर्नेछ । ७ बजे पश्चात हाइकिङ टोली बल्थलीतर्फ लाग्छ ।

बल्थलीबाट च्यासीङ्खर्क हुँदै डाँडागाउँ हाइकिङ करिब १४ देखि १५ किलोमिटरको पैदल यात्रा हो । जसका लागि करिब ६ देखि ७ घण्टा पैदल यात्रा गर्नु पर्ने शर्मा बताउँछन् ।

बल्थलीबाट च्यासीङ्खर्क हुँदै डाँडागाउँ हाइकिङका लागि काठमाडौँबाट करिब डेढ घण्टा (३६ किलोमिटर) बसमा यात्रा गर्नुपर्छ । काठमाडौँ कोटेश्वरबाट सुर्यविनायक र बनेपा हुँदै खोपासीतर्फ लाग्नु पर्छ ।

खोपासी बाट बल्थलीको लागि पैदल यात्रा सुरु हुन्छ । खोपासी र पनौतीको पारी रहेको काभ्रेको बल्थली गाउँ, साँस्कृतिक र प्राकृतिक रुपमा धनी गन्तब्य हो । उत्तरतर्फ मनास्लु, लाङटाङ र सगरमाथाको ताँती, पश्चीम तर्फ असङ्ख्य हरीया खेत र दक्षीणतर्फ महाभारत रेन्जको विशाल जङ्गलहरूको अवलोकन गर्न सकिने र विभिन्न प्रजातीका फूल, लालीगुँरास, म्याग्नोलीया र शालका रुखहरूले भरीएको बल्थली एक सुन्दर गाउँ हो ।

बल्थलीका रमणिय अनुभव बटुल्दै काभ्रेकै च्यासीङ्खर्क तिर लागिन्छ । च्यासीङखर्क पुगेर त्याहाँका गाँउ अवलोकन गरेर डाँडागाउँ फर्कनुपर्छ र डाँडागाउँबाट बसमा काठमाडौँ आइन्छ ।

के-के बोक्ने ?

– सामान्य ट्रेकिङ जुत्ता
– हाइकिङ पोल
– रेनकोट वा छाता
-पानी (कम्तिमा २ लिटर)
– लन्च प्याक (फलफूल, जुस, चकलेट, खाना आदि)
– चस्मा
-मास्क (अनिवार्य)
– स्यानीटाइजर (अनिवार्य)

लागतः

– यस हाइकिङका लागि लाग्ने लागत भनेको १ हजार २ सय रुपैया रहेको छ ।
-हाइक फर नेपालमा पहिले पनि सहभागी भई सकेकाहरूका लागि भने ६ सय रुपैया लाग्ने छ ।
हाइक फर नेपालका तर्फबाट १ हजार २ सय रुपैयामा आकर्षक हाइक फर नेपाल टिसर्ट, यातायात, गाइड चार्ज र आपतकालीन उपचार (फर्स्ट एड) को व्यवस्था गरीएका छ ।



Leave a Reply

Your email address will not be published.

सम्बन्धित खबरहरु

गत वैशाख ३० गते देशका ७५३ स्थानीय तहमा सम्पन्न निर्वाचनको हालसम्म ६३८ वटामा मगगणना सम्पन्न भएको छ । निर्वाचन आयोगका

काठमाडौं महानगर र धरान उपमहानगर पालिकामा स्वतन्त्र तर्फका उम्मेदवारले ‘जादू’ चलाइरहेका छन् । चुनाव चिह्न लोरौ रहेका दुवै स्थानीय तहका

यतिबेला सामाजिक सञ्जालमा एउटा विषयले निकै चर्चा पाइरहेको छ । नपाओस् पनि किन, बलात्कारको घटना छ । त्यसमा पनि सन्

दलबाट होस्, या स्वतन्त्र उम्मेदवार । चुनावमा उठेपछि सबैको एउटै लक्ष्य हुन्छ, ‘जित’ । भनिन्छ, ‘युद्धपछि मान्छेले जित प्राप्तिका लागि

Suggested