इटालियन सिरी ए : इन्टरको फराकिलो जित
इटालियन सिरी ए फुटबलमा इन्टर मिलानले फराकिलो जित निकालेको छ । शुक्रबार राति भएको खेलमा इन्टरले सालेरनिटानालाई ५-० गोल अन्तरले हराएको हो । लाउटरो मार्टिनेजले ह्याट्रिक गरे । दुई गोल इडेन जेकोले गरे ।
खेलको २२औं मिनेटमा मार्टिनेजले गोल गर्दै टोलीलाई १-० को अग्रता दिलाएका थिए । खेलको ४०औं मिनेटमा मार्टिनेजले व्यक्तिगत दोस्रो गोल गर्दा इन्टरको अग्रता दोब्बर बन्यो । ५६औं मिनेटमा मार्टिनेजले ह्याट्रिक पूरा गर्दा इन्टर ३-० ले अघि रह्यो ।
खेलको ६४औं मिनेटमा इडेन जेकोले गोल गरेपछि इन्टरले ४-० को अग्रता बनायो । खेलको ६९औं मिनेटमा जेकोले व्यक्तिगत दोस्रो गोल गर्दै इन्टरलाई ५-० को जित दिलाए । यस जितसँगै इन्टर शीर्ष स्थानमा उक्लिएको छ । इन्टरले २७ खेलमा ५८ अंक जोडेको छ । सालेरनिटाना १५ अंक जोडेर अन्तिममा छ ।
