८ दिनदेखि उपत्यकामा थुप्रेका फोहोर आजैबाट उठाइने

सिसडोलवासी र महानगरबीच ६ बुँदे सम्झौता


काठमाडौँ महानगरपालिका र नुवाकोटका सिसडोलबासीबीच ६ बुँदे सहमति भएको छ । गत ५ कात्तिकमा भएको सम्झौता कार्यान्वयन नभएको भन्दै आन्दोलित बनेका सिसडोलवासी र महानगरबीच ६ बुँदे सहमति भएको फोहोर मैला प्रभावित क्षेत्र शिक्षक व्यवस्थापन सङ्घर्ष समितिका संयोजक अनीश शर्मा ढुङ्गानाले बताए ।

सहमति भएसँगै काठमाडौँ उपत्यकामा ८ दिनदेखि थुप्रिएका फोहोर उठाउन थालिएको महानगरले जनाएको छ । महानगर र सिसडोलबासी बिच बिहीबार भएको छलफलको निचोड निस्कन नसकेपछि शुक्रवार पुनः बैठक राखिएको थियो ।

१३ वर्षयता सिसडोलमा उपत्यकाबाट दैनिक १ हजार २ सय मेट्रिक टन फोहोर पुर्‍याइन्छ । काठमाडौँ महानगरबाट मात्रै दैनिक ५ सय मेट्रिक टन फोहोर निस्कन्छ ।

सिसडोलबासीले ल्यान्ड फिल्ड साइट प्रभावित क्षेत्रका विद्यालयलाई पूर्ण शिक्षक दरबन्दी उपलब्ध गराउने, अस्पताल निर्माण गर्ने, सडक विस्तार गरी कालोपत्रे गर्ने, सिसडोलबासीको निःशुल्क उपचार गर्ने लगायतका यसअघिका सम्झौता तत्काल कार्यान्वयन नभएको भन्दै आन्दोलित बनेका थिए ।

शुक्रवारको सहमति अनुसार महानगरले तत्काल ५१ जना शिक्षक दरबन्दी पुरा गर्ने, काठमाडौँ उपत्यका भित्र रहेको सरकारी अस्पतालमा प्रभावित क्षेत्रका नागरिकको निःशुल्क उपचार गर्ने, ककनी गाउँपालिका नुवाकोट र धादिङको धुनिबेसी नगरपालिकाको संयुक्त बैठकले अस्पताल बनाउने गरेको निर्णय महानगरमा पठाएपछि कार्यान्वयन गर्ने सहमति भएको संयोजक ढुङ्गानाले मेरो लाइफस्टाइललाई जानकारी दिए ।

यसै गरी, बन्चरे डाँडालाई आधार मानेर वैज्ञानिक ढङ्गबाट प्रभावित क्षेत्र पहिचान गरी जग्गा अधिकरण गर्ने, आगामी आर्थिक वर्ष २०७८÷०७९ मा दुवै स्थानीय तहलाई ३–३ करोड रुपैयाँ विकास अनुदान बजेट उपलब्ध गराउने र अहिले फोहोर विसर्जन गरिएको ठाउँ कति वर्षसम्म प्रभावित बन्छ त्यसको विज्ञले अनुसन्धान गरी भनेको आधारमा महानगरले त्यति वर्षसम्म मुआब्जा उपलब्ध गराउने सहमति भएको छ ।

शुक्रवारको छलफलमा काठमाडौँ महानगरपालिकाका प्रमुख विद्यासुन्दर शाक्य, ककनी गाउँपालिकाका वडा नम्बर १,२ र ३ का वडाध्यक्ष, धुनीबेसी नगरपालिकाका प्रमुख, फोहोर मैला प्रभावित क्षेत्र शिक्षक व्यवस्थापन सङ्घर्ष समिति, धादिङ र नुवाकोटमा सक्रिय राजनीतिक दलका प्रतिनिधि र स्थानीयको उपस्थितिमा उक्त सहमति भएको हो ।

सिसडोलमा अहिले काठमाडौँ महानगरपालिका सहित उपत्यकाका १८ वटा नगरपालिकाको फोहोर विसर्जन गरिँदै आएको छ । स्थानीय आन्दोलित बनेसँगै १३ चैत्र यता उपत्यकाको फोहोर उठ्न सकेको थिएन । सहमति भएसँगै आज दिउँसोबाटै फोहोर बोकेका गाडी सिसडोल प्रवेश गर्न दिने सहमति भएको महानगरले जनाएको छ ।

१३ वर्षयता सिसडोलमा उपत्यकाबाट दैनिक १ हजार २ सय मेट्रिक टन फोहोर पुर्‍याइन्छ । काठमाडौँ महानगरबाट मात्रै दैनिक ५ सय मेट्रिक टन फोहोर निस्कन्छ ।



...
फोहोर उठाउन घामको पखाईमा महानगर « Mero LifeStyle

[…] […]

Leave a Reply

Your email address will not be published. Required fields are marked *

सम्बन्धित खबरहरु

एक समयकी चर्चित, व्यस्त र सफल हिरोइन निरुता सिंह केही समयको अन्तरालपछि काठमाडौ आएकी छन् । पछिल्लो एक दशकदेखि मुम्बईमा

नेपालकै सबैभन्दा गहिरो ताल हो शे फोक्सुण्डो । वरिपरि पहाडले घेरिएको बीचमा रहेको वाई आकारको यो ताल समुन्द्री सतहबाट तीन

उचित काम र जीवनबीच सन्तुलन खोज्नु हामीकहाँ कुनै नौलो विषय होइन । तर, कोभिड-१९ महामारीले यी दुई पक्षबीच तनावको स्थिति

सन् २०२० को एक तथ्यांक अनुसार करिब १६ लाख जनसंख्या भएको काठमाडौं उपत्यकामा प्रत्येक दिन झण्डै १२ लाख सवारी साधन