English

उल्टो हिँड्दा हुने फाइदा



शरीरलाई स्वस्थ राख्न धेरै प्रकारका व्यायामहरू गर्न सकिन्छ । विश्वभरका विज्ञहरू हिँड्नुलाई सबैभन्दा राम्रो व्यायाम मान्छन् किनभने यो बच्चादेखि वृद्धसम्म जोसुकैले पनि गर्न सक्छन् । तर के तपाईंलाई एल्टो हिँड्नुका फाइदाहरू बारे थाहा छ ?

सीधा हिँड्नुभन्दा उल्टो हिँड्नु धेरै फाइदाजनक हुन्छ । यसले हाम्रो दिमाग र शरीरबीच राम्रो सन्तुलन सिर्जना गर्दछ । दैनिक २०-३० मिनेट रिभर्स वाक गर्दा मिर्गौला, उच्च रक्तचाप र मधुमेहसम्बन्धी समस्यामा पनि राहत मिल्छ । जानौं यसका फाइदाहरू ।

घुँडाका लागि लाभदायक
उल्टो उल्टो हिँडाइले घुँडासँग सम्बन्धित समस्याहरू कम गर्न मद्दत गर्छ । यसले घुँडामा दुखाइ र तनावलाई कम गर्न सक्छ । खुट्टाको चोट वा गाँठोबाट पीडित व्यक्तिहरूको लागि उल्टो हिँड्ने राम्रो उपाय पनि मानिन्छ ।

ढाड दुखाइ कम गर्न सहयोगी
उल्टो हिँड्दा पुरानो ढाड दुखाइ कम गर्न मद्दत गर्न सक्छ । जब तपाईं पछाडि हिँड्नुहुन्छ तपाईंको पछाडिको मांसपेशीको व्यायाम पुग्छ । यसबाहेक उल्टो हिँड्दा मेरुदण्डको समस्या र ढाड दुख्ने समस्यामा पनि राहत मिल्छ ।

मानसिक स्वास्थ्यको लागि लाभदायक
उल्टो हिँड्दा तपाईंको दिमागले काम गर्नुपर्छ र बढी ध्यान केन्द्रित गर्नुपर्छ । यसले दिमागलाई राम्रो व्यायाम दिन्छ । दैनिक उल्टो हिँड्दा डिप्रेसन र एन्जाइटी जस्ता मानसिक रोगबाट पनि छुटकारा पाउन सकिन्छ ।

खुट्टाको बल बढाउँछ
उल्टो हिँड्दा खुट्टाको पछाडिको मांसपेशीलाई पनि व्यायाम हुन्छ । यसले तपाईंको खुट्टा बलियो बनाउँछ । सामान्य हिँड्दा खुट्टामा खासै तनाव हुँदैन ।

सन्तुलन राम्रो हुन्छ
उल्टो हिँड्दा तपाईंको शरीर र दिमाग बीचको सन्तुलन सुधार्छ । सीधा हिँड्नुको सट्टा उल्टो हिँड्दा, दिमाग तपाईंको शरीरको चालमा केन्द्रित हुन्छ । यसले शरीरको सन्तुलन र मनको एकाग्रता पनि बढाउँछ ।

वजन घटाउन
तौल घटाउन चाहने मानिसहरूका लागि उल्टो हिँड्नु राम्रो हो । जब तपाईं पछाडि हिँड्नुहुन्छ तपाईंले आफ्नो शरीरको अगाडि र पछाडि एकसाथ सन्तुलन गर्नुपर्छ । यसबाट तपाईं आफ्नो शरीरलाई कसिलो बनाउनुहुन्छ जसका कारण तपाईंको तौल छिट्टै घट्छ ।

यो पनि
समयमा उपचार गरे हुन पाउँदैन कलेजोको दीर्घरोग



Leave a Reply

Your email address will not be published. Required fields are marked *

सम्बन्धित खबरहरु

नोबेल पुरस्कार विजेता यासुनारी कावावाताले उपन्यास ‘स्नो कन्ट्री’ मा देश सुन्दर हुने तीनवटा तत्व उल्लेख गरे–प्रकृति,संस्कृति र परिवेश । लाग्छ–साहित्यकार

तमु समुदायको ऐतिहासिक चाड बैशाख पूर्णिमाका अवसर पारेर तमु ट्हो ह्युल हङकङले आफ्नो २६ औं वार्षिकोत्सव मनाएको छ । उक्त

नेपालको अन्नपूर्ण संरक्षण क्षेत्रमा नयाँ प्रजातिको चरा भेटिएको छ । नयाँ प्रजातिको चरा ‘फुस्रो सारौं’ नाममा अभिलेख गरिएको छ ।

वायु प्रदूषण रोक्न विकसित मुलुकहरूले सवारी साधन, कलकारखाना, उद्योगलगायत विभिन्न क्षेत्रमा विशेष मापदण्डहरू तोकी एक्युआई अर्थात् एयर क्वालिटी इन्डेक्समा उत्तम