उमेर ढल्किएसँगै यी खानपान विष समान
उमेर ढल्किँदै गएपछि खानपान र स्वास्थ्यमा ध्यान दिन आवश्यक हुन्छ । जति उमेर ढल्किँदै जान्छ उत्तिनै हाम्रो शरीरको कार्य क्षमता कमजोर जान्छ । पाचन यन्त्र पनि उस्तै रहँदैन । विशेषगरी ३० वर्ष पार गरेपछि हामीले आफ्नो शारीरिक क्षमता गुमाउँदै जान्छौँ । हुन त यो सबैको हकमा लागु हुँदैन । कतिपयको रोग प्रतिरोधात्मक क्षमताले गर्दा उमेर ढल्कदै जाँदा पनि उत्तिकै बलियो र तन्दुरुस्त हुने गर्छ ।
यद्यपि, धेरैजसोमा भने ३० वर्ष उमेर पूरा गरेपछि शरीर कमजोर हुन थाल्छ । धेरैले वृद्धवृद्धाको रोग भनेर चिन्ने ओस्टियोपोरोसिस रोग पनि यही उमेरमा सुरु हुन थाल्छ । ३० वर्षको उमेरपश्चात देखिने विभिन्न स्वास्थ्यसम्बन्धी समस्यालाई लिएर डिप्रेसनमा जानुअघि याद गर्नुहोस् । यी खानेकुराले मानिसमा छिट्टै बुढ्यौली निम्त्याउँछ ?
चिनी
अमेरिकामा चिनीको खपत धेरै छ । चिनीकै कारण अमेरिकामा मोटोपनाको समस्या पनि धेरै छ । अत्यधिक मात्रामा चिनीको सेवनले अतिरिक्त क्यालोरी हिप, पेट लगायतमा गएर थुप्रिने गर्छ । चिनीकै कारण शरीरमा इन्सुलिन रेजिस्टेन्टको समस्या भई बाँझोपनाको समस्या निम्तिन्छ । चिनीकै सेवनले अनुहारको चाउरीपना निम्तिनुका साथै छाला खुम्चन थाल्छ ।
कृतिम गुलियो
प्रायः ल्याबमा तयार पारिने कृतिम गुलियोको सम्बन्ध क्यान्सरसित हुन्छ । यसको सेवनले शरीरमा ग्लुकोजको मात्रा बढाउनुका साथै बोसो धेरै लाग्छ । यसकै कारण टाइप-२ मधुमेह, मुटुरोग आदि निम्तिने गर्छ ।
मदिरा
शरीरले तीस वर्षपछि क्यालोरी बर्न गर्न सक्दैन, त्यस्ता क्यालोरी पेटमा जम्मा हुन थाल्छ । मदिरामा अत्यधिक क्यालोरी हुने भएकोले यसले शरीरमा इन्सुलिनको स्तरसमेत बढाउँछ जसले विभिन्न रोगको समस्या निम्त्याउँछ ।
क्याफिन
कफीमा प्रशस्त मात्रामा क्याफिन हुन्छ । क्याफिनको सेवनले अनिद्राको समस्या निम्तिन्छ । यसको अत्यधिक सेवनले बुढ्यौलीपना निम्तिन्छ । त्यति मात्र हैन यसको अत्यधिक सेवनले शरीरमा कार्बोहाइड्रेटको समस्या निम्तिन गई शरीरको तौल बढ्छ ।
मैदा
म:म, चाउमिन, स्यान्डविचलगायत मैदाबाट बनेको परिकार सबैलाई मनपर्छ । तर ३० वर्ष उमेर पार गरेकाहरूले मैदा सकभर खानै हुँदैन । किनकी शरीरले मैदालाई ग्लूकोजमा परिणत गर्छ । र, ग्लुकोजलाई शरीरले सजिलै फ्याटको रूपमा संग्रहित गर्छ जसको सेवनले मोटोपन बढाउँछ ।
चिल्लो
३० वर्ष उमेर पार गरेका व्यक्तिले ब्रेडमा बटर वा मार्गराइन-भेजिटेबल आयलबाट बनाएको बटर लगाएर खानु पनि मुटुको लागि हानिकारक मानिन्छ । पुरुषहरूमा ट्रान्सफ्याटले प्रजनन प्रक्रियालाई सुस्त बनाउने गर्छ । यसले हर्मोनलाई असन्तुलित बनाई स्मरण शक्ति तथा मस्तिकको गतिविधिलाई सुस्त बनाउने गर्छ ।
नुन
नुन आवश्यक छ । तर सीमित मात्रामा । अझ तीस वर्ष उमेर पुगेकाहरूका लागि त नुनको सेवन गर्दा विशेष रूपमै ध्यान दिनुपर्छ । किनकि नुनले खानाको स्वाद जति बढाउँछ यसले शरीरलाई त्यति नै धेरै हानी गर्छ ।
अत्यधिक मात्रामा नुनको सेवनले ब्लड प्रेसर उच्च हुनुका साथै स्ट्रोकको जोखिम निम्तिन्छ ।
यो पनि
यौनबारे महिलाको धारणा
