उनी थिए बलिउडका पहिलो चकलेटी नायक



हिन्दी सिनेमामा पहिलो चकलेटी नायक भनेर कसलाई चिनिन्थ्यो ? कसैले सलमान खान भन्छन्, कसैले शाहरुख खान त कसैले आमिर खान ।

तर यो कुरा थाहा पाउन हामीलाई ६० को दशकतिर जानुपर्ने हुन्छ । एक बंगाली अभिनेता, जसको आकर्षण त्यो समयको अन्य कलाकारको भन्दा अलग थियो । उनको नाम हो, जय मुखर्जी । बलिउडमा सबैभन्दा पहिले चकलेटी अभिनेताको ट्याग पाउने व्यक्ति उनै हुन् भन्ने मान्यता छ ।

जय मुखर्जीको व्यक्तित्व फरक किसिमको थियो । अग्लो कद, गोरो रङ, पातलो शरीर, बाक्लो कपाल र रमाइलो गर्ने शैली । बलिउडका अन्य कलाकारको भन्दा छुट्टै व्यक्तित्व थियो उनको ।

जयको तुलना हलिउड अभिनेता रोक हडसनसँग गरिन्छ । उनले थोरै मात्र चलचित्रमा अभिनय गरे । वि लव इन सिमला, जिद्धी, लव इन टोकियो, शागिर्द, पुरस्कार र इन्स्पेक्टर जस्ता फिल्ममा उनी देखिए । फिल्मबाट धेरै सफलता हात पार्न पनि सकेनन् तर उनको फरक शैलीको कारण उनलाई धेरैले मन पराए । केटीहरूको बिचमा उनको छुटै क्रेज थियो । उनको जन्म २४ फरवरी १९३९ झाँसीमा भएको थियो ।

दिलिप कुमार, देव आनन्द र राज कपुरको समयमा नै जय मुखर्जी पनि बलिउडमा आएका थिए । त्यसबेला धर्मेन्द्र, शम्मी कपुर र शशि कपुर जस्ता राम्रा कलाकारहरूले बलिउडमा डेब्यु गरिसकेका थिए । यस्तो अवस्थामा बलिउडमा आफ्नो स्थान बनाउन त्यत्ति सहज थिएन । तर उनको छुट्टै व्यक्तित्वले गर्दा नै उनलाई थुप्रै फिल्मको अफर आयो । त्यसैले उनलाई समयभन्दा पनि अगाडिको कलाकार भनिन्थ्यो । उनको पिता तथा फिल्म निर्माता सशाधर मुखर्जी फिटनेसको कुरामा निकै कडा थिए । त्यसैले जयको आकर्षक शरीरको श्रेय उनको पितालाई जान्छ ।

काजोलसँग सम्बन्ध

अभिनेत्री काजोलसँग जय मुखर्जीको नाता महत्वपूर्ण छ । सशाधर मुखर्जीको पाँच जना छोरा थिए । रोनो मुखर्जी, देव मुखर्जी, जय मुखर्जी, सोमु मुखर्जी र सुबिर मुखर्जी । सोमु मुखर्जीले बलिउडकी प्रसिद्ध अभिनेत्री तनुजासँग विवाह गरे । उनीहरूको दुई छोरी भए काजोल र तनिषा मुखर्जी । त्यसैले, नातामा उनी काजोलको सहोदर काका हुन् । एजेन्सी



Leave a Reply

Your email address will not be published. Required fields are marked *

सम्बन्धित खबरहरु

सैनिक श्रीमती संघद्वारा शुक्रवार साँझ फरक क्षमता भएका बालबालिकाको सहयोगार्थ आर्मी अफिसर्स क्लब काठमाडौंमा एक बिशेष कार्यक्रम ‘वरदान सुर–सन्ध्या’को आयोजना

‘झट्ट हेर्दा न्याउरी मुसाजस्तै देखिने पानीमा बस्ने दुर्लभ प्राणी ‘ओत’ पहिले–पहिले चितवनमा पनि थियो भन्ने कुरा अङ्कलहरूबाट सुनेको थिए, योपटक

साहित्यकार बिन्दु सुवेदीको दोस्रो नियात्राकृति ‘युरोप यात्राका संस्मरण’ लोकार्पण गरिएको छ । बुधबार काठमाडौँस्थित शिल्पी थिएटरमा आयोजित कार्यक्रममा प्रमुख अतिथि प्रा.डा.

हिन्दु नारीहरुको महान पर्व तीजको अवसरमा सोमबार राजधानीस्थित पशुपतिनाथ मन्दिर परिसरमा बिहान करिव ३ बजे देखि नै भक्तजनहरुको ठूलो घुइँचो