नेल्सन मण्डेलाका १० प्रेरणादायी विचार



सन् १९१८ जुलाई १८ मा जन्मेका नेल्सन मण्डेला विश्व प्रसिद्ध राजनेता हुन् । उनी आफ्नो जीवनमा रङभेदी र जातिभेदी नेतृत्वविरुद्ध अनवरत लडेर दक्षिण अफ्रिकाको पहिलो अश्वेत राष्ट्रप्रमुख बन्न सफल भएका थिए ।

देशमा लोकतन्त्र ल्याउन चलाएको संघर्षका क्रममा २७ वर्ष जेल जीवन विताएका मण्डेलाले सदैव मानिसको भलाईका लागि काम गरेका थिए । उनी सन् १९९० मा जेलबाट रिहा भए । त्यसपछि १९९४ देखि १९९९ सम्म उनले दक्षिण अफ्रिकाका राष्ट्रपति भई सत्ता सम्हाले ।

मण्डेलालाई शान्तिका दूत पनि भनिन्छ । उनी विश्वभरका मानिसका लागि प्रेरणाका स्रोत पनि हुन् । उनका विचारले मानिसलाई एक नयाँ दिशा देखाउँछन् । उनका जीवन्त १० विचार यस प्रकार छन् ।

१. कुनै पनि मानिसले जन्मदेखि नै रङ, परिस्थिति र उसको धर्मप्रति घृणा लिएर पैदा भएको हुँदैन ।

२. शिक्षा एउटा त्यस्तो सशक्त हतियार हो, जसले विश्व बदल्न सक्दछ ।

३. एउटा राम्रो शिर र एउटा राम्रो हृदयले सधैं विजयलाई जोडिरहेका हुन्छन् ।

४. तपाईं कुनै व्यक्तिसँग कुरा गर्दा उसले बुझ्ने भाषाको प्रयोग गर्नु भयो भने उसले बुझ्न सक्छ । तर यदि तपाईंले उसँग उसकै मातृभाषामा कुरा गर्नु भयो भने उसको दिलमा गएर बस्छ ।

५. जबसम्म काम गरिँदैन, तबसम्म त्यो कुरा असम्भव नै लाग्छ ।

६. जब कुनै खुशीयाली मनाइन्छ, तब आफू पछि र दोश्रोलाई अघि राख्नु पर्दछ । जब खतराको समय आउँदछ, तब आफू अघि र दोश्रोलाई पछि राख्नुपर्दछ । तब मात्र जनताले तपाईको नेतृत्वको प्रशंसा गर्नेछन् ।

७. मेरो देशमा मान्छे पहिला जेल जान्छ र पछि राष्ट्रपति बन्दछ ।

८. एउटा ठूलो पहाड चढेपछि बल्ल थाहा हुन्छ कि चढ्नका लागि अझ थुप्रै पहाडहरू बाँकी छन् ।

९. शिक्षा सबैभन्दा ठूलो हतियार हो, जसको प्रयोग गरेर विश्वलाई परिवर्तन गर्न सकिन्छ ।

१०. चाहे त्यो कालो जातिबाट भएको होस् वा गोरो जातिबाट, म जातिवादको अत्यन्त घृणा गर्दछु, यो एक बर्बरता हो ।



Leave a Reply

Your email address will not be published.

सम्बन्धित खबरहरु

हिन्दु नारीको महत्वपूर्ण पर्व तीज नजिकिँदै गर्दा तीज सम्बन्धी गीतहरु बजारमा ल्याउने क्रम चलेको छ । यस्तैमा लोकदोहारी गायक खुमन

गत जेठ २२ गते प्रदेश नं. १ मा प्रवेश गरेको मनसुन प्रणाली असार १२ गतेसम्म आइपुग्दा सुदूरपश्चिम प्रदेशमा प्रवेश गरेको

नेपालको राष्ट्रिय पहिचानलाई विश्वव्यापिकरण गर्ने लक्ष्यका साथ स्थापित संस्था हो– नेप्लिज मार्केटिङ एसोसिएसन (एनएमए) । त्यसैलाई मुर्त रुप दिन एनएमएले

नेपाल टेलिकमले लिज लाईन पुनरावलोकन गरेको छ । टेलिकमले आफुले उपलब्ध गराइरहेको लिज कनेक्टिभिटी को नयाँ महशुल दर कायम गरेको

Suggested