होलीमा भाङ खाएर शिवजीलाई दोष दिएको मनपर्दैन



अभिनेता दीपकराज गिरी होलीमा खुलेर रम्छन् । तर, यसपाली भने कोरोना महामारीका कारण होली खेल्ने उनको योजना भंग भएको छ । विगतका होली अनुभव र होलीका विविध विषयमा केन्द्रीत रहेर उनीसँग गरिएको कुराकानी ।

होली कत्तिको लागेको छ ?

केही दिनअघिसम्म होली खेल्ने योजना बनाइएको थियो । तर, सरकारले भीडभाड नगर्नु, होली नखेल्नु भनेकाले होली खेल्ने योजना भंग भयो ।

उसो भए आजको दिन कसरी बिताउने सोचमा हुनुहुन्छ ?

घरमै सामान्य तरिकाले बित्छ । अलि–अलि गालामा रङ चाहिँ लगाएको छु । परिवारसँगै रमाइलो गर्छु ।

तपाईंको विचारमा होली कसको चाड हो ?

होली परम्परागत चाड हो । यो सबैको चाड हो । होली रङहरु पर्व पनि भएकाले वर्षदिनमा एकपटक छालामा रङ लगाउँदा राम्रो हुन्छ भन्ने सुनेको छु । यसको वैज्ञानिक कारण पनि होलान् ।

तपाईंले होली मनाउन थालेको कति भयो ?

बच्चैबेलादेखि होली खेल्थें ।

कसरी मनाउनु हुन्छ ?

पहिला–पहिला बेलुनमा पानी भरेर स्कुल कलेजका केटीहरुलाई लोला हान्थे । जब यो काम नराम्रो हो भन्ने लाग्यो त्यसपछि पानीमात्र छ्याप्न थालें । त्यो पनि नराम्रो हो भन्ने लागेपछि एकआपसमा रङ दलेर मनाउन थालियो । जे होस् एकदिन कलरफूल हुँदा रमाइलो लाग्छ ।

काठमाडौंमा पहिला र अहिलेको होलीमा कस्तो भिन्नता पाउनुहुन्छ ?

तुलनात्मक रुपमा अहिले होली सभ्य भएको छ । पहिला होली आउनुभन्दा एकदुई हप्ता अघिदेखि नै तडकभडक हुन्थ्यो । लोला हान्ने, घरको छतबाट फोहोर पानीले प्रहार गर्ने जस्ता कार्यहरु हुन्थे । तर, केही वर्षयता होली सभ्य बनेको छ । यद्यपि भाङ र मदिरा बढी चल्ती बढी हुन थालेको देखिन्छ । यसले होली पर्व माथि विकृती ल्याइरहेको छ जस्तो लाग्छ ।

को–को सँग होली खेल्दा रमाइलो लाग्छ ?

चिनजानका मान्छेहहरुसँग होली खेल्न रमाइलो लाग्छ । विशेषगरी भन्नुपर्दा कान्तिपुर एफएममा होली अविस्मरणीय हुन्छ । त्यसपछि हाम्रो टीम र परिवारसँग होली खेल्दाको रमाइलोको त कुरै नगरौं ।

होलीको सकारात्मक र नकारात्मक पक्ष के-के हुन् ?

यो एउटा कलरफूल चाड हो । यो बेला सबै साथीभाई भेट भएर रमाइलो गरिने भएकाले भाइचारा कायम गर्छ । तर, होलीमा लोला हान्ने, जथाभावी रंगको प्रयोग गर्ने अनि भाङ खाएर शिवजीलाई दोष दिएको मनपर्दैन ।

अविस्मरणीय होली सम्झनुस् न ?

अहिलेसम्मका होली सबै अविस्मरणीय नै छन् । तर, एकवर्ष स्कूल पढ्ने साथीले मेरो गाला समातेर कालो रङ दाँतभरी दलिदिएको थियो । एकमहिनासम्म दाँत कालै भएको थियो । त्यो होली सधैं सम्झन्छु ।

तपाईंको विचारमा होली र भाङको सम्बन्ध के छ ?

मेलम्ची र घरको बत्तीको लाइन जस्तै हो । भन्नुको मतलब केही पनि सम्बन्ध छैन ।

तपाईंले होलीमा भाङ खानुभएको छ कि छैन ?

अहिलेसम्म खाएको छैन ।



Leave a Reply

Your email address will not be published. Required fields are marked *

सम्बन्धित खबरहरु

एक समयकी चर्चित, व्यस्त र सफल हिरोइन निरुता सिंह केही समयको अन्तरालपछि काठमाडौ आएकी छन् । पछिल्लो एक दशकदेखि मुम्बईमा

नेपालकै सबैभन्दा गहिरो ताल हो शे फोक्सुण्डो । वरिपरि पहाडले घेरिएको बीचमा रहेको वाई आकारको यो ताल समुन्द्री सतहबाट तीन

उचित काम र जीवनबीच सन्तुलन खोज्नु हामीकहाँ कुनै नौलो विषय होइन । तर, कोभिड-१९ महामारीले यी दुई पक्षबीच तनावको स्थिति

सन् २०२० को एक तथ्यांक अनुसार करिब १६ लाख जनसंख्या भएको काठमाडौं उपत्यकामा प्रत्येक दिन झण्डै १२ लाख सवारी साधन