English

कवाडी बटुलेरै आठ जनाको परिवार पाल्दै



छायाँनाथ रारा नगरपालिका–१ छत्यालकी ३७ वर्षीया जौमती नेपाली हरेक बिहान पाँच बजे नै सदरमुकाम गमगढी बजारमा पुग्छिन् । यसरी बिहानै गमगढी बजारतिर जानु उनको बाध्यता हो । उनलाई पनि अरु महिलाजस्तै केटाकेटीलाई विद्यालय पठाएर उनीहरू आउने बाटो हेरेर बस्ने रहर नभएको होइन । तर, यी सबै रहर मारेर उनी झिसमिसेमै नाम्लो बोकेर गमगढीतिर लाग्छिन् ।

उनी छायाँनाथ बजारमा कवाडी संकलनको काम गर्छिन् । यसैबाट आएको आम्दानीले उनको परिवार चलिरहेको छ । घरमा चलाउन आम्दानी गर्ने कोही नभएपछि उनी आफैँ यो काममा तम्सिएकी हुन् । जौमतिले यहीबाट आएको आम्दानीले आधा दर्जन छोराछोरी र श्रीमानको खर्च धानिरहेकी छिन् ।

कवाडी संकलन गर्ने सदरमुकाम गमगढीमा उनी एक्ली महिला हुन् । खासै आम्दानी नभए पनि बिहान बेलुका छाक टार्न पुगेको उनले बताइन । उनी भन्छिन- ‘यसैबाट नुन, तेल, कपडा किन्न पुगेको छ ।’

कवाडी संकलन गर्ने सदरमुकाम गमगढीमा उनी एक्ली महिला हुन् । खासै आम्दानी नभए पनि बिहान बेलुका छाक टार्न पुगेको उनले बताइन । उनी भन्छिन- ‘यसैबाट नुन, तेल, कपडा किन्न पुगेको छ ।’ उनले १०–१५ रुपैयाँमा कवाडी बेच्ने गर्छिन् । कमाइ थोरै भए पनि खटाइ धेरै हुने उनी बताउँछिन् ।

१५ वर्षदेखि उनले यो काम गर्दै आए पनि उनको जीवन र दैनिकी उस्तै छ । सामान्य साक्षरसमेत नभएका कारण उनले अन्य पेशा गर्न आँटसमेत नगरेको बताउँछिन् । उनी भन्छिन्, ‘भारत जाउ भने घरमा बालख छोराछोरी छन् ।’

फुर्सद भएका बेला उनले बजारका व्यापारीहरूले ल्याएको सिमेन्ट, चामल, नुनलगायत खाद्यान्न सामान ओसार्ने समेत गरेको बताउँछिन् । उनले भनिन्, ‘महिला त चुलो चौकोमा मात्र सीमित हुनुपर्छ भन्छन् । घरको डिल नाघ्नुहुँदैन भन्छन् । तर, आफूलाई घरको डिल ननाघे भोकै पर्नुपर्छ ।’

जौमतीले आफूसँग केही सीप नभएकाले यस्तो दुःख गर्नुपरेका कारण स्थानीय सरकारले विपन्न र गरिबलाई लक्षित गरी केही सीपमूलक तालिम दिनुपर्ने माग गर्छिन् ।

‘स्थानीय सरकारले सीपमूलक तालिम दिए हुने’

जौमतीले आफूसँग केही सीप नभएकाले यस्तो दुःख गर्नुपरेका कारण स्थानीय सरकारले विपन्न र गरिबलाई लक्षित गरी केही सीपमूलक तालिम दिनुपर्ने माग गर्छिन् ।

‘चुनावका बेला विभिन्न प्रलोभन, लोभ देखाएर भोट माग्छन् जितेपछि वास्ता गर्दैनन् । स्थानीय सरकारले सिपमुलक काम दिए त्यसैबाट आम्दानी गर्न सक्थ्यौँ कि,’ उनले भनिन् । स्थानीय सरकार गठन भएको पाँच वर्ष पुग्न लाग्दासमेत नगरपालिकाले विपन्न, गरिब, महिलाको लागि कुनै सीपमूलक कार्यक्रम नल्याएको उनी बताउँछिन् ।

यो पनि
मामा-भान्जाकाे कृषि फार्म, युवालाई हाैसला
सरकारी अनुदानले सुपारी खेतीमा आकर्षण



...
Mikroinwerter

This post was a great mix of information and readability. You have a real talent for writing.

Leave a Reply

Your email address will not be published. Required fields are marked *

सम्बन्धित खबरहरु

मान्छेका विभिन्न रुचि हुन्छन्, त्यसमध्ये पुराना नोट, सिक्काको संकलन पनि एक हो । कतिपयले त यसैलाई आफ्नो पेशा नै बनाएका

शनिवारको दिन बाहिर कतै गएर मूड फ्रेस गर्ने मन कसलाई पो हुँदैन र ? तर घुम्न कता जाने भन्ने समस्या

अहिले होली पर्वलाई भाङ खाने, मदिरापान गर्ने, होहल्ला गर्ने गरेर मनाउन थालिएको छ । यसले यो पर्वको महत्वलाई भुलाउदै नराम्रो