English

किन राख्छन् विवाहेत्तर सम्बन्ध ?



करुणा कुँवर ।

परस्त्री/परपुरुष सम्बन्ध भन्नाले आफ्नो पार्टनर अथवा श्रीमान/श्रीमती भएको अवस्थामा अरुसँग यौनसम्बन्ध राख्नु भन्ने बुझिन्छ । मानव जीवनको सिर्जना भएदेखि नै यस्तो सम्बन्ध राख्ने चलन छ । यस्ता सम्बन्ध गुपचुप रहने भएतापनि पछिल्लो समय यसका बारेमा खुलेर बोल्न थालेको पाइन्छ ।

यौन सन्तुष्टि पूरा नभएको र भावना नबुझेको भन्दै पर–सम्बन्ध राखेको भन्नेहरू धेरै पाइन्छ । यस्तै, भावनात्मक रूपमा खुशी नभएको, नजिकका मान्छेहरूसँगको दूरीटाढा भएको, माया ममता खोजिरहेको अवस्थामा पार्टनर हुँदाहुँदै पनि अरुसँग सम्बन्ध राख्ने गरेको पाइन्छ ।

पुरुष आफू चाहिँ स्वतन्त्र भएको महशुस गर्छ । जसले गर्दा पुरुषहरू आफ्नो पार्टनर हुँदा हुँदै पनि अरुसँग सम्बन्ध राख्न पुगेको देखिन्छ ।

यस्ता सम्बन्धले मानसिक रूपमा समस्या उत्पन्न भएपछि केही मानिसहरू मकहाँ आउँछन् । उनीहरूलाई पार्टनर हुँदा हुँदै किन अरुसँग सम्बन्ध राखेको ? भनेर सोध्दा आफ्नो भावना बुझेको, खुलेर कुरा गर्न पाएको, स्वतन्त्र महशुस भएको जस्ता कुरा गर्छन् । त्यसैले श्रीमान श्रीमतीबीच खुलेर कुरा नहुने र एकअर्कालाई नबुझ्ने जोडीहरूमा परपुरुष वा परस्त्रीको आगमन हुने अवस्था बढी हुन्छ । तर, यसरी मन, भावना नमिल्दैमा यौनसन्तुष्टि पूरा भएन भन्दैमा अरुसँग सम्बन्ध राख्नुलाई समाजले राम्रो मान्दैन । यस्तो सम्बन्ध कानूनले पनि अवैध ठहर गरेको छ । साथै, सांस्कृतिक र धार्मिक रूपमा पनि यस्ता कुरा क्षमायोग्य हुँदैनन् । त्यसैले, यस्तो सम्बन्धले झन् धेरै समस्या निम्त्याउन सक्छ । यसलाई न्यून गर्न दुई दम्पत्तीबीचको संवाद नै महत्वपूर्ण कुरा हो ।

कतिले राखिरहेका छन् त विवाहेत्तर सम्बन्ध ? यो विषयलाई लिएर नेपालमा कुनै अनुसन्धान भएको छ जस्तो लाग्दैन । तर, असन्तुष्टिकै कारण एउटै व्यक्तिले धेरैजनासँग सम्बन्ध राख्ने गर्छन् । अझै कतिले त ४/५ जनासँग विवाह नै गर्छन् । तर, कसैसँग पनि सन्तुष्ट हुँदैनन् । यसरी सन्तुष्टि खोज्दै धेरैजनासँग सम्बन्ध राख्न पुग्छन् महिला–पुरुष ।

हाम्रो समाजमा कतिपयले ‘आफ्नो श्रीमतीभन्दा अरुका श्रीमती राम्रा’ भन्ने गरेको पनि सुन्नमा आउँछ । यस्तै भनाई, अवधारणा र मान्यता पुरुषको दिमागमा घुसाइएको छ, जसले गर्दा उसले साँच्चिकै हो कि क्या हो भन्ने सोच्न थाल्छ ।

कतिपयले चाहिँ भन्छन् ‘मेरो धेरैजनासँग सम्बन्ध भैसक्यो तर मभित्र असन्तुष्टि रहि नै रहेको छ’ । यस्तो किन भैरहेको छ भनेर पनि मसँग परामर्श गर्न आउँछन् । यस्तो हुँदा कतै शारीरिक/मानसिक रूपमा समस्या पो छ कि भन्ने लाग्दो रहेछ । कोही चाहिँ चिकित्सककहाँ जानुभन्दा अरु कसैसँग सम्बन्ध राख्दा समाधानका उपाय निस्किन्छ र सन्तुष्टि प्राप्त गरिन्छ कि भन्ने हेतुले धेरैजनासँग सम्बन्ध राख्न पुग्छन् ।

यसरी परव्यक्ति सम्बन्ध राख्ने महिला पुरुष दुवै हुन्छन् । तर, बढीजसो पुरुष हुन्छन् । महिलाले भन्दा पुरुषले बढी पार्टनरहरू राख्ने गरेको पाइन्छ । यसमा पुरुषमा भएको शक्ति र नियन्त्रणकै कुरा नै हो । पुरुष आफू चाहिँ स्वतन्त्र भएको महशुस गर्छ । जसले गर्दा पुरुषहरू आफ्नो पार्टनर हुँदा हुँदै पनि अरुसँग सम्बन्ध राख्न पुगेको देखिन्छ । जसले सम्बन्ध राखेपनि उसमा मनोवैज्ञानिक समस्या छ, त्यसको समयमै समाधान खोजिनुपर्छ भन्ने नै हो ।

यसरी परव्यक्ति सम्बन्ध राख्ने महिला पुरुष दुवै हुन्छन् । तर, बढीजसो पुरुष हुन्छन् । महिलाले भन्दा पुरुषले बढी पार्टनरहरू राख्ने गरेको पाइन्छ ।

हाम्रो समाजमा कतिपयले ‘आफ्नो श्रीमतीभन्दा अरुका श्रीमती राम्रा’ भन्ने गरेको पनि सुन्नमा आउँछ । यस्तै भनाई, अवधारणा र मान्यता पुरुषको दिमागमा घुसाइएको छ, जसले गर्दा उसले साँच्चिकै हो कि क्या हो भन्ने सोच्न थाल्छ । तर, यही कुरा महिलालाई सिकाइएको अथवा सुनाइएको छैन । महिलालाई सानैदेखि नै एउटै पुरुषसँग ईमान्दारीपूर्वक सम्बन्ध राख्नुपर्छ भनेर सिकाइएको छ । यस्तै, सामाजिक संरचनाका कारण पनि महिलाले खुलेर आफ्नो कुरा भन्न पाएको हुँदैन ।

त्यसैले, परस्त्री/परपुरुष सम्बन्धबाट टाढा रहन शारीरिक, सामाजिक, भावनात्मक रूपमा सम्बन्ध बलियो बनाउन जरुरी छ । यी विविध पक्षमा कमीकमजोरी हुँदा नै अरुसँग सम्बन्ध राख्न गएको पाइन्छ ।



Leave a Reply

Your email address will not be published. Required fields are marked *

सम्बन्धित खबरहरु

हालसालै सम्पन्न विश्व प्रसिद्द कान्स फिल्म फेस्टिभलको ७७ औँ श्रृङ्खलामा काठमाडौँ महानगरपालिकाका मेयर बालेन्द्र शाह (बालेन) ले सहभागी जनाएको कुराले

गायक सुरेश लामाको सुमधुर स्वरमा सजिएको ‘माया बस्यो’ बोलको म्युजिक भिडियो सार्वजनिक भएको छ।  युवा प्रेम र आकर्षणको भावानालाई व्यक्त

नोबेल पुरस्कार विजेता यासुनारी कावावाताले उपन्यास ‘स्नो कन्ट्री’ मा देश सुन्दर हुने तीनवटा तत्व उल्लेख गरे–प्रकृति,संस्कृति र परिवेश । लाग्छ–साहित्यकार

तमु समुदायको ऐतिहासिक चाड बैशाख पूर्णिमाका अवसर पारेर तमु ट्हो ह्युल हङकङले आफ्नो २६ औं वार्षिकोत्सव मनाएको छ । उक्त