बच्चन परिवारमा पुनः कोरोना फैलियो, को-को भए संक्रमित



यतिबेला, भारतमा कोरोना सङ्क्रमितको सङ्ख्या लगातार बढिरहेको छ । यही बलिउडका मेगास्टार अमिताभ बच्चनको परिवार पनि पुन: संक्रमणको चपेटामा परेको छ । उनकाे जलसास्थित घरका एक कर्मचारीको रिपोर्ट कोरोना पोजेटिभ आएको छ । सिनियर बच्चनले आफ्नो ब्लगमा लेखेका छन्– ‘उनी हाल घरमा कोभिड परिस्थितिसँग लडिरहेका छन् त्यसैले यो परिस्थिति शान्त बनेपछि फ्यानहरूसँग जोडिनेछु ।’ यो पढेर फ्यानहरू नर्भस भए र उनको शीघ्र स्वास्थ्य लाभको कामना गर्न थाले । तर, जलसामा उपस्थित ७९ वर्षीय अमिताभ बच्चन र उनको परिवार भने सकुशल छन् ।

अमिताभका दुवै बङ्गला प्रतीक्षा र जलसाका कर्मचारीको कोभिड परीक्षण गरिएको थियो, जसमा एक जनामा कोरोना सङ्क्रमण देखिएको थियो । बच्चन परिवारले त्यस सदस्यलाई कोभिड केयर सेन्टरमा अलग्गै राखेको छ ।

एक सदस्य कोभिड पोजेटिभ

अमिताभको घरमा कुल ३१ स्टाफ सदस्यहरूको परीक्षण गरिएको थियो । जसमध्ये एउटा पोजेटिभ देखिएको छ । तर, अमिताभ र परिवार सम्पर्कमा आएनन् । नियमित चेकजाँचका क्रममा यो अनुसन्धान गरिएको उनले बताए । मुम्बईमा कोरोनाको बढ्दो केसलाई ध्यानमा राख्दै सेलिब्रेटीहरूले सावधानीका रूपमा आफ्ना स्टाफको कोभिड टेस्ट गराउँदै छन् ।

बच्चन परिवार जलसामा छन्

अमिताभ बच्चन परिवारको नजिकको स्रोतले अमिताभ बच्चन र सम्पूर्ण परिवार सुरक्षित रहेको बताएको छ । सबै जना जलसामा छन् । सबैले पूर्ण सावधानी अपनाइरहेका छन् । मान्छे भेट्ने क्रम पनि निकै कम भएको छ । मे २०२१ मा अमिताभसहित परिवारका बाँकी सदस्यले कोरोनाको खोप लगाई सकेका छन् ।

२०२० मा कोरोनाको कारण अमिताभ बच्चन २२ दिनसम्म अस्पतालमा बसेका थिए

सन् २०२० को जुलाई महिनामा अमिताभ बच्चनलाई कोरोना सङ्क्रमण भएको थियो । यसपछि फिल्म इन्डस्ट्री मात्र नभई देश विदेशमा रहेका उनका फ्यानहरूले पनि उनको लागि प्रार्थना गरेको देखिएको थियो । अमिताभ बच्चन करिब २२ दिन अस्पतालमा भर्ना भएका थिए । तर, कोभिडबाट निका भए लगत्तै उनले ‘कौन बनेगा करोडपति’ र अन्य प्रोजेक्टको सुटिङ सुरु गरे । बिग बी पछि उनका छोरा अभिषेक र बुहारी ऐश्वर्यालाई पनि कोरोना भएको थियो ।

यो पनि…
मौलाउँदै छ,मौलिक पहिरन
रंगोलीमा सजिएकी स्वस्तिमा (भिडियाे पनि)



...
शाहरुख खान अपहरणकारी ! - Mero LifeStyle Mero LifeStyle

[…] बच्चन परिवारमा पुनः कोरोना फैलियो, को-… […]

Leave a Reply

Your email address will not be published. Required fields are marked *

सम्बन्धित खबरहरु

काठमाडौं । दक्षिण भारतीय अभिनेता धनुष र उनकी श्रीमती ऐश्वर्या रजनीकान्त वैवाहिक जीवनबाट अलग भइसकेका छन्। उनीहरूले गत सोमबार विज्ञप्ति

भारतीय टेलिभिजनको ऐतिहासिक टेलिफिल्म ‘महाभारत’का अभिनेता नीतीश भारद्वाज पत्नी स्मितासँगको विवाहको १२ वर्षपछि औपचारिक रुपमा अलग्गिएका छन् । स्मिता पेशाले

साउथ सुपरस्टार एवं रजनीकान्तका ज्वाइँ धनुष र ऐश्वर्या रजनीकान्त साउथ फिल्म शक्तिशाली जोडीका रुपमा चिनिन्छन् । तर, अब यो जोडीले

बलिउड अभिनेत्री दीपिका पादुकोण स्टन्ट दिन रुचाउने कलाकारमा पर्छिन् । उनी आफ्नो स्टन्ट आफैं गर्न रुचाउँछिन् । एथलेट परिवारको पृष्ठभूमिबाट

Suggested