सेयर बजारमा फेरि पहिरो

आइतबार ७१.२० अंकले बढेको सेयर बजारमा फेरि पहिरो गएको छ। यसदिन नेप्से ६९.७७ अंकले घटेर २५ सय २१ बिन्दुमा पुगेर बन्द भएको छ। २३८ कम्पनीको १ करोड २ लाख ९२ हजार २२६ कित्ता सेयर ५ अर्ब ६० करोड ७४ लाख ३९ हजार ६ सय ७१ रुपैयाँमा खरिद-बिक्री भयो। आइतबार २३१ कम्पनीको ८६ लाख १ हजार ९५६ कित्ता शेयर ५ अर्ब १७ करोड ३२ लाख ५०३ रुपैयाँमा कारोबार भएको थियो।

कारोबारमा आएका १३ वटै समूहको परिसूचक ओरालो लागेको छ। यसदिन निर्जीव विमा समूहको सर्वाधिक ५.१५ प्रतिशतले घटेको हो। यस्तै अन्यको ४.६२,जलविद्युतको ३.८३, विकास बैंकको ३.९२,वित्तको ३.३१,लगानी समूहको ३.७३ प्रतिशत परिसूचक घटेको छ।

यस्तै, यसदिन दुई कम्पनीको मात्रै सेयर मूल्यमा सकारात्मक सर्किट लेभलमा कारोबार भएको छ। गुराँस फाइनान्स र मध्य भोटेकोशी जलविद्युत् कम्पनीको सेयर मूल्य १० प्रतिशतले बढेको हो। कारोबार रकमका आधारमा यसदिन नबिल बैंक शीर्षस्थानमा रहेकाे छ। सो कम्पनीको आज ३० करोड भन्दा बढीको सेयर कारोबार भएको छ। यस्तै, शिवम् सिमेन्टको २६ करोड बराबरको सेयर कारोबार गरेर दोस्रो स्थानमा रहेको छ।

सोमबार पनि नबिल बैंक अग्रस्थानमा रहेको थियो। सो कम्पनीको ३२ करोड रुपैयाँभन्दा बढीको सेयर कारोबार भएको थियो।