यी हुन् दैनिक अण्डा खानुको १० फाइदा

अण्डा विभिन्न पोषक तत्वले भरिपूर्ण हुनुका साथै क्याल्सियम, आइरन तथा प्रोटिनजस्ता तत्वको भण्डार हो । अण्डाको सेवनले शरीरलाई चाहिने दैनिक पौष्टिक तत्वको भरणपोषण गर्न सहयोग पुर्याउँछ । त्यसैले अण्डालाई पोषणविज्ञहरुले सुपर फुडको रूपमा मान्ने गरेका छन् । अण्डामा मानिसलाई चाहिने सबैजसो पोषक तत्व पाइन्छ । दैनिक अण्डा खानुको केही फाइदाहरु यसप्रकार छन् ।

– प्रतिदिन १ अण्डाको सेवनले तपाईको शरीरमा बोसोको एक दिनको आवश्यक मात्रालाई पूर्ति गर्छ ।

– अण्डाको सेवन वजन नियन्त्रण राख्न निकै राम्रो हुन्छ । अण्डा खाइसकेपछि भोक शान्त हुन्छ । यसले लामो समयसम्म पेट भरिएको महसूस हुन्छ र भोक लाग्दैन । यस्तो अवस्थामा तपाईको वजन नियन्त्रण गर्न मद्दत गर्छ ।

– आँखाको लागि पनि अण्डा फाइदाजनक नै मानिन्छ । प्रतिदिन एक अण्डालाई आफ्नो आहारमा समावेश गर्नाले क्यारोटिनायड्सको पूर्ति हुन्छ, जसले आँखाको कोशिका नष्ट हुनबाट जोगाउँछ । यसको साथै दिनहुँ एक अण्डा खाँदा मोतियाबिन्दुको खतरा कम हुन्छ ।

– एक अनुसन्धानका अनुसार अण्डा, हर्ट स्ट्रोक एवम् हर्ट अट्याकको सम्भावनालाई कम गर्न सहायक हुन्छ । यसको साथै यो केओलीनको राम्रो स्रोत हो । जसले मस्तिष्क, मुटुको धमनीको क्रियाविधिलाई सुचारू बनाई राख्न मुख्य भूमिका निभाउँछ ।

– अण्डाको सेवनले तपाईको आलस्यलाई ऊर्जा प्रदान गर्न मद्दत गर्छ । यो एक राम्रो एनर्जी बूस्टर हो । प्रतिदिन बिहानको नास्तामा अण्डालाई समावेश गरी तपाई पुरा दिन ऊर्जावान महसूस गर्न सक्नुहुन्छ । अण्डाको पहेँलो भागमा पाईने स्वस्थ फ्याटले शरीरलाई ऊर्जा प्रदान गर्छ ।

– अण्डा प्रोटिनको एक राम्रो स्रोत मानिन्छ, यसमा एल्ब्यूमिन प्रोटिन भरिपूर्ण मात्रामा पाईन्छ । यसले शरीरमा प्रोटिनको कमी पुरा गर्नका लागि आवश्यक पोषण प्रदान गर्न निकै मद्दत गर्छ ।

– स्तन क्यान्सरको रोकथामको लागि पनि अण्डाले निकै मद्धत गर्छ । एक अनुसन्धानका अनुसार हप्तामा ६ वटा अण्डाको सेवन गर्ने महिलामा स्तन क्यान्सरको खतरा ४४ प्रतिशत कम देखिएको छ ।

– एक अण्डामा ६ ग्राम उच्च गुणयुक्त प्रोटिन र शरीरको लागि आवश्यक एमिनो एसिड पाइन्छ । सल्फरलगायत अन्य खनिज–भिटामिन हुनुको कारण अण्डा कपाल र नङको लागि लाभदायक मानिन्छ ।

– अण्डामा भरिपूर्ण मात्रामा भिटामिन डी पाइन्छ, जसले हड्डीलाई बलियो बनाउनको लागि निकै आवश्यक हुन्छ । यसले शरीरमा सूर्यको किरणको अवशोषणमा मद्दत गर्छ, जसले हड्डी बलियो हुन्छ ।

– यसमा भिटामिन ए, डी, बी१२, रिबाफ्लेविन, फोस्फोरस र फोलेट पाइन्छ । यसले शरीरको कार्यलाई सुचारू रूपले बनाई राख्न मद्दत गर्छ र मस्तिष्कलाई बलियो बनाई आँखाको रोशनी बढाउँछ ।