यी हुन् शरीरमा दुबी आउनुको कारण, के छ यसको उपचार ?



डा. विकास पौडेल, छाला, यौन रोग तथा सौन्दर्य विशेषज्ञ

छाला सौन्दर्यसँग जोडिएको प्रमुख अंग हो । छालामा लाग्ने विभिन्न रोगका कारण मानिसहरु समस्यामा पर्छन् । जसमध्ये दुबी पनि एक हो । दुबी एक किसिमको रोग हो । कसैमा छालाको रङको समस्या बढी भएर सेतो दाग देखिन्छ । जसलाई सेतो दुबी भनिन्छ । जसले सौन्दर्यमा आघात पु¥याउँछ । त्यसैले छालामा दुबी आउने कारण के हो ? यसको उपचार कसरी हुन्छ ? भन्ने विषयमा छाला, यौन रोग तथा सौन्दर्य विशेषज्ञ डा.विकास पौडेलको सुझाव यस्तो छ ः

दुबि आउने कारण ?
छालाको बाहिरी भागमा सेतोे दाग देखिने र फैलिने समस्यालाई अंगे्रजीमा ‘भिटिलिगो’ भनिन्छ र नेपालीमा दुबी भनिन्छ । सेतो दुबी, जुन शरीरमा रङ उत्पादन गर्ने ‘मेलानोसाइट’ नष्ट भएर हुन्छ ।दुबीले शारीरिक रूपमा कुनै असर पार्दैन । तर, यसले मानसिक रूपमा हिनता बोधको सिकार बनाउँछ । सेतो दुबीले ओठ तथा औंलाहरू पूरै सेतो बनाउँछ । ‘मेलानोसाइट’ कोषले शरीरमा रङ उत्पादन गर्ने काम गर्छ । यो कुनै कारणले नष्ट भयो भने शरीरमा रङ हराउँदै जान्छ ।

केही व्यक्तिमा वंशाणुगत कारणले पनि यो समस्या देखिने गर्छ । कसैलाई गहिरो चोटपटक लाग्यो र त्यसले गर्दा रङ बनाउने कोषमा असर पनै गयो भने पनि यो समस्या देखिन सक्छ । बढी तनावमा रहने मानिसमा पनि सेतो दुबी देखिन सक्छ । यो समस्या जुन सुकै उमेर समूहलाई हुनसक्छ । कसैको कुनै निश्चित भागमा मात्र रङ हराउन सक्छ । कसैको शरीरभरको रङ हराउँछ । यसको लक्षण भनेको छालाको रङ सेतो हुनु मात्र हो । अन्य कुनै पनि लक्षण यसमा देखिदैँन ।

दुबी आएको व्यक्तिले के–के ध्यान दिनु पर्छ ?
– दुबी आएका व्यक्तिले चोटपटक लाग्ने काम नगर्ने
– टाइट कपडाहरु नलगाउने
– कडा घाममा नबस्ने
– धुम्रपान, मद्यपान नगर्ने
– तनाव नलिने

उपचार ?
– सामान्य दुबी भएमा औषधि लगाएर तथा सेवन गरेर नै उपचार हुन्छ ।
– धेरै फैलिएमा फोटो थेरापीबाट यसको उपचार गरिन्छ गर्भवती महिला तथा बालबालिकाहरुको लागि पनि यो उपचार गर्न मिल्छ ।
– यी दुई प्रविधिबाट निको नभएको खण्डमा शल्यक्रिया गर्नु पर्छ ।
– समयमा उपचार भयो भने यो रोग पूर्ण रुपमा निको हुन सक्छ तर, धेरै फैलिएको अवस्था छ भने उपचार सम्भव नहुन पनि सक्छ ।



Leave a Reply

Your email address will not be published. Required fields are marked *

सम्बन्धित खबरहरु

नेपाल अटोमोबाइल्स डिर्लस एशोसिएसन अफ नेपाल (नाडा) को आगामी निर्वाचनका लागि अध्यक्ष पदका प्रत्यासी उम्मेदवार करण चौधरीले आफ्नो समूहका सदस्यहरुको

महिला हिंसा अन्त्य गर्नपर्छ भन्ने नारा हामीले प्राय सुनिरहेका हुन्छौ । यो विषयमा चर्चा हुन थालेको लामो समय भईसक्यो ।

राप्रपा अध्यक्ष पशुपति शमशेर जबराले पार्टीको हितका लागि आफूले नेतृत्वको दाबी छोडेको जानकारी दिएका छन् ।  काठमाडौंमा बुधबारबाट सुरु भएको

स्वास्थ्य तथा जनसङ्ख्या मन्त्रालयले अत्यावश्यक कामबाहेक विदेश भ्रमण नगर्न अपिल गरेको छ । कोभिड–१९ को ओमिक्रोन भेरियन्टको सङ्क्रमणलाई दृष्टिगत गर्दै