‘तीजमा व्रत बस्न थालेको १५ वर्ष भयो’



सञ्चिता लुईंटेल, अभिनेत्री

सानै उमेरदेखि हजुरमुवा र आमाहरुले भगवान शिवको पूजा आरधना गरेर व्रत राखेको देखेर नै हुर्कदै आएँ । हिन्दू संस्कृतिमा हुर्केको र परिवारको सम्पुर्ण सदस्यले तीज मनाउने भएकोले मलाई पनि व्रत बस्न रहर लाग्थ्यो । म भगवानप्रति निकै आस्था राख्छु । त्यसैले तीजमा मात्र नभई नवरात्रीमा पनि व्रत बस्ने गरेको छु ।

हाम्रो घर बानेश्वर । त्यहाँबाट गौशला नजिकैपर्छ । तीजको दिन पशुपतिनाथको मन्दिरमा भिडभाड हुने भएकोले म अघिल्लो दिन साँझ पूजाआजा गरेर फर्कन्थेँ । तीजको व्रत बस्ने दिनमा पशुपतिमा धेरै भिडभाड हुने भएकोले त्यस दिन जान मन लाग्दैनथ्यो । तीजको दिनमा घरमै बसेर पूजाआजा गर्थे । घरको छतबाटै पशुपतीनाथको माहोल नियाल्थें । अनि तीजको भोलिपल्ट फेरि पशुपति गएर पूजाआजा गर्थेँ ।

तीज भन्नासाथ चेलीबेटी माइती जाने, भेटघाट गर्ने, रमाइलो गर्ने, दर खाने अवसरको रूपमा बुझ्छौँ । दरको रुपमा विभिन्न परिकार खान्छन् । उपबास बस्छन् । रातो, हरियो, पहेंलो रंगको पहिरनमा सजिन्छन् । चुरा, पोते लगाउँछन् । नाचगान गर्छन् । गीतको माध्यमबाट मनको बह पोख्छन् ।


तीजको अघिल्लो दिन सबै दिदिबहिनी, फुपू र अन्य परिवारका सदस्यहरु जम्मा भएर दर खाने नाचगान गरिन्थ्यो । अनि भोलिपल्ट व्रत बस्ने घरमै पुजा गर्ने नाच्ने रमाइलो गर्ने आदि गरेर तीज मनाउने गथ्र्याैं । तीजको व्रत बस्न थालेको लगभग १५ वर्ष भयो । विवाह अघि पनि तीजको व्रत बस्थेँ । तीजको बेलामा व्रत बस्दा शिवजीको पूजा आरधना गरिसकेपछि पानी खान्छु र अलि गाह्रो भएको खन्डमा फलफूलको गर्छु ।

श्रीमानको लामो आयुका लागि व्रत बसिन्छ भन्ने चलन छ तर, मेरा विचारमा परिवारको खुशीका लागि यो व्रत बसिन्छ जस्तो लाग्छ । वर्षमा एक दिन व्रत बस्दा स्वस्थ्यमा पनि त्यस्तो नराम्रो असर पर्दैन ।

तीज भन्नासाथ चेलीबेटी माइती जाने, भेटघाट गर्ने, रमाइलो गर्ने, दर खाने अवसरको रूपमा बुझ्छौँ । दरको रुपमा विभिन्न परिकार खान्छन् । उपबास बस्छन् । रातो, हरियो, पहेंलो रंगको पहिरनमा सजिन्छन् । चुरा, पोते लगाउँछन् । नाचगान गर्छन् । गीतको माध्यमबाट मनको बह पोख्छन् । हामी हिन्दू भएका कारण पनि आफ्नो धर्म संस्कृतिलाई जोगाउन तीजको व्रत बसिन्छ । तीजको व्रत बस्दा एक प्रकारको आत्मसन्तुष्टि प्राप्त हुन्छ । आफ्नो परम्परा, संस्कृति भगवान प्रतिको आस्था यी सबै कुराले तीज मनाइन्छ र व्रत बसिन्छ ।

श्रीमानको लामो आयुका लागि व्रत बसिन्छ भन्ने चलन छ तर, मेरा विचारमा परिवारको खुशीका लागि यो व्रत बसिन्छ जस्तो लाग्छ । वर्षमा एक दिन व्रत बस्दा स्वस्थ्यमा पनि त्यस्तो नराम्रो असर पर्दैन । कसैलाई दिर्घ रोग छ औषधी खानु पर्ने छ भने निराहार व्रत बस्नै पर्छ भन्ने छैन । त्यसैले आफ्नो स्वास्थ्य स्थितिलाई ख्याल गरेर मात्र व्रत बस्नुहोला । सम्पुर्ण नेपाली दिदी बहिनीलाई तीजको धेरै–धेरै शुभकामना !



Leave a Reply

Your email address will not be published. Required fields are marked *

सम्बन्धित खबरहरु

नेपाल अटोमोबाइल्स डिर्लस एशोसिएसन अफ नेपाल (नाडा) को आगामी निर्वाचनका लागि अध्यक्ष पदका प्रत्यासी उम्मेदवार करण चौधरीले आफ्नो समूहका सदस्यहरुको

महिला हिंसा अन्त्य गर्नपर्छ भन्ने नारा हामीले प्राय सुनिरहेका हुन्छौ । यो विषयमा चर्चा हुन थालेको लामो समय भईसक्यो ।

राप्रपा अध्यक्ष पशुपति शमशेर जबराले पार्टीको हितका लागि आफूले नेतृत्वको दाबी छोडेको जानकारी दिएका छन् ।  काठमाडौंमा बुधबारबाट सुरु भएको

स्वास्थ्य तथा जनसङ्ख्या मन्त्रालयले अत्यावश्यक कामबाहेक विदेश भ्रमण नगर्न अपिल गरेको छ । कोभिड–१९ को ओमिक्रोन भेरियन्टको सङ्क्रमणलाई दृष्टिगत गर्दै