तीजमा चिटिक्क बन्न चाहनुहुन्छ ? यसरी छान्नुहोस् पहिरन



भाद्र शुक्ल तृतीयाका दिन मनाइने हरितालिका तीज महिला दिदीबहिनीले धुमधामका साथ मनाउँछन् । यो दिन अरुभन्दा अलि फरक देखिनेमा महिलाहरु केन्द्रित हुन्छन् । त्यसैले तीजको दिन चिटिक्क देखिनका लागि फेसन डिजाइनर दिलमाया मगरले दिएको सुझाव यस्तो छ ः

विवाहितका लागि

– सिफन र जर्जेटको प्लेन कपडामा बोर्डर प्रयोग भएको सारी लगाउने ।
– सारीको रङ रातो र कलेजी भएमा एकदम राम्रो हुन्छ । किनकी अहिले कलेजी रङको सरी ट्रेन्ड चलिरहेको छ ।
– आधा बाहुला भएको हेभी ब्लाउज प्रयोग गर्दा प्लेन सारीमा राम्रो देखिन्छ ।
– गहनाहरू धेरै नलगाएको राम्रो हुन्छ । रातो मोटो पोतेकोे तिलहरी लगाउने । त्यसमा छड्के तिलहरी पनि लगाउन सकिन्छ । र, कानमा टप लगाउने ।
– मेटल र काँचमा भेलवेटकोे चुरा ट्रेन्डमा छ, त्यो प्रयोग गर्न सकिन्छ । काँचको चुरामा बाला प्रयोग गर्ने ।
– सकेसम्म बिचबाट सिउँदो निकालेर कपालको जुरो बनाउने ।
– अहिले पोतेको धागो ट्रेन्डमा छ, त्यो प्रयोग गर्न सकिन्छ ।
– प्लेन टिका रातो र कलेजी रङ्गको प्रयोग गर्न सकिन्छ ।
– हल्का मेकअप गर्ने ।
– सारी लगाउँदा आँचलको प्लेट बनाउने भए कम्मरमा बेल्ट लगाउने । त्यो भेलवेट वा सारीकै सेटबाट पनि बनाउन सकिन्छ ।
– आँचल छोड्ने भए बेल्ट नलगाउने ।
– पाउजु लगाउने ।
– भेलवेटकै फ्ल्याट चप्पल प्रयोग गर्ने ।
– भेलवेटको थैली (पोट्ली) प्रयोग गर्ने । यो सुरक्षित र बोक्न सजिलो हुन्छ ।

अविवाहितका लागि

– जर्जेटको कुर्र्ता र सुरुवाल ट्रेन्डमा छ, यो पहिरन लगाउन सक्नुहुन्छ ।
– कुर्ता, सुरुवालमा प्लेन सलमा बोर्डर राखेर प्रयोग गर्ने ।
– पुरै बाहुला कुर्ता राम्रो देखिन्छ ।
– चुरा प्रयोग नगर्ने ।
– कपाल खोलेको राम्रो देखिन्छ ।
– सिम्पल मेटलको टप र झुम्का प्रयोग गर्ने ।
– टिका मन पराउने भए स्टोनको टिका लगाउने ।
– रातो रङको लिपस्टिक लगाउने
– लिपस्टिकसँग म्याच हुने नङपालिस लगाउने ।
– हिल प्रयोग गर्ने ।
– पोटली झोला प्रयोग गर्ने । यो प्रयोग गर्दा सुरक्षित र सजिलो हुन्छ ।



Leave a Reply

Your email address will not be published. Required fields are marked *

सम्बन्धित खबरहरु

कोरोनाको प्रभाव घटेसँगै बजारमा लगानीयोग्य रकमको अभाव देखिन थालेपछि बैंकहरूले ब्याजदर बढाएका छन् । शुक्रबारदेखि लागू हुनेगरी अधिकांश बैंकले ब्याजदर

कोरोना भाइरसको दोस्रो लहर सुरु भएसँगै काठमाडौंसहित देशभरका चलचित्र हलहरु बन्द भए । करिव ५ महिना बन्द भएका हलहरु काठमाडौं

सामान्यतया मस्तिष्कमा अचानक रक्तसञ्चार बन्द हुनु र दिमागमा भएका रक्तकोषिका फुटेर रगत बग्नुलाई स्ट्रोक अर्थात् पक्षघात भनिन्छ । पक्षघात हुँदा

डा.वासुदेव कृष्ण शास्त्री हरेक चाड–पर्वको आ–आफ्नै महत्व र विशेषता हुन्छ । हरेक पर्व मनाउनुको पछाडि त्यसको धार्मिक, सांस्कृतिक, सामाजिकसँगै वैज्ञानिक