१८ महिनापछि थुनामुक्त भए गायक प्रकाश कटुवाल, जेल पर्नुको खासकारण के थियो ?



लोकदोहोरी गायक प्रकाश कटुवाल १८ महिनाको जेल जीवन बिताएर रिहा भएका छन् । जिल्ला अदालत तनहुँको फैसलाअनुसार १५ हजार जरिवाना र १८ महिना जेल सजाय भुक्तान गरी उनी बिहिबार थुनामुक्त भएका हुन् ।

१८ महिना अघि तनहुँस्थित डुम्रेका होटल व्यवसायी लालकाजी गुरुङमाथि कुटपिट गरेको अभियोगमा पक्राउ परेका कटुवाललाई जिल्ला अदालत तनहुँले २०७६ फागुन ३० गते पुर्पक्षका लागि थुनामा राख्न आदेश दिएको थियो ।

केही दिन अघि अदालतले कटुवाललाई १८ महिना जेल सजाय र १५ हजार जरिवाना गर्ने फैसला गरेको थियो । यद्यपि, पुर्पक्षमै कटुवालले १८ महिना जेल बसिसकेको र १५ हजार जरिवाना पनि तिरिसकेको हुँदा बिहिबार उनलाई थुनामुक्त गरिएको जिल्ला कारागार तनहुँका जेलर ऋषि सुवेदीले बताए । ‘फैसला केही दिन अघि भएको रहेछ,’ उनले भने, ‘हामीलाई हिजो निजलाई जेलमुक्त गरिदिनु भन्ने अदालतको आदेश आयो सोहीअनुसार बिहिबार साँझ साढेँ ५ बजे उहाँलाई छोडेका हौं ।’

जेलमुक्त भएसँगै कटुवालको प्रतिक्रिया

जेलमुक्त भएसँगै सामाजिक सञ्जाल फेसबुकमा कटुवालले लामो स्टाटस लेखेका छन् । उनले यस्तो लेखेका छन्:

‘सम्पुर्ण मेरा संगीत प्रेमी साथीभाई इष्टमित्र शुभचिन्तकहरुमा नमस्कार छ । लगभग १८ महिना तपाईहरूबाट टाढा हुन पुगें । कहिले गन्तव्य एकातिर बाटो अर्कोतिर चाहना एकातिर बाध्यता अर्कोतिर भैदिँदो रहेछ ।

मलाई त्यस्तै भैदियो त्यसैले म १८ महिनाको जेल जीवन पछि उही ढलेको गिलासलाई उठाएर पानी भर्ने कोसिसमा छु । सायद गिलास फुटेको भए म पानी भर्ने कोसिस पनि गर्न सक्दिन थिएँ, त्यसैले गिलास ढलेको हो फुटेको होइन ढलेको गिलासलाई जुनै बेला पनि उठाउन सकिन्छ । जहाज जतिनै माथि उडेपनी आखिर बस्नका लागि जमिन कै आवश्यकता पर्दछ आजबाट पुरै जेल मुक्त भएको छु ।

काठमाडौं आइपुगिसकेको छु । मेरो मोबाइल लक भएको कारणले कोहि साथीहरूसँग सम्पर्कमा आउन सकेको छैन । आज उहीँ पुरानै फोनको सिम लिएर सबैसँग सम्पर्कमा आउने बाचा गर्दछु । मेरो १८ महिने जेल जीवनको पुरै बिस्तृत विवरणका कथाहरूका नाली बेलि लिएर आउनेछु । यतिन्जेल तपाईहरुबाट टाढा हुने पुगेँ त्यसको लागि माफी माग्दै सदैव जसरी तपाईहरुको मायाको अपेक्षा गर्दछु धन्यवाद ।’



Leave a Reply

Your email address will not be published. Required fields are marked *

सम्बन्धित खबरहरु

नेपाल अटोमोबाइल्स डिर्लस एशोसिएसन अफ नेपाल (नाडा) को आगामी निर्वाचनका लागि अध्यक्ष पदका प्रत्यासी उम्मेदवार करण चौधरीले आफ्नो समूहका सदस्यहरुको

महिला हिंसा अन्त्य गर्नपर्छ भन्ने नारा हामीले प्राय सुनिरहेका हुन्छौ । यो विषयमा चर्चा हुन थालेको लामो समय भईसक्यो ।

राप्रपा अध्यक्ष पशुपति शमशेर जबराले पार्टीको हितका लागि आफूले नेतृत्वको दाबी छोडेको जानकारी दिएका छन् ।  काठमाडौंमा बुधबारबाट सुरु भएको

स्वास्थ्य तथा जनसङ्ख्या मन्त्रालयले अत्यावश्यक कामबाहेक विदेश भ्रमण नगर्न अपिल गरेको छ । कोभिड–१९ को ओमिक्रोन भेरियन्टको सङ्क्रमणलाई दृष्टिगत गर्दै