अलैंचीबाटै १ अर्ब ३५ करोड आम्दानी



ताप्लेजुङको अलैंची जोनमा उत्पादित अलैंचीको बिक्रीबाट किसानले एक वर्षमा १ अर्ब ३५ करोड रुपैयाँ आम्दानी लिएका छन् । जिल्लाका विभिन्न क्षेत्रबाट किसानले अलैंची उत्पादन गरेका हुन् । अलैंची जोनबाट २ हजार ६ मेट्रिक टन उत्पादन भएकोमा २ हजार मेट्रिक टन बिक्रीबाट १ अर्ब ३५ करोड रुपैयाँभन्दा बढी किसानले आम्दानी लिएको प्रधानमन्त्री कृषि आधुनिकीकरण परियोजना अलैंची जोन कार्यालय ताप्लेजुङले जनाएको छ ।

करिव ६ मेट्रिक टन अलैंचीमात्र ताप्लेजुङमा खपत भएको तथ्यांकले देखाएको छ । अलैंची जोनले ताप्लेजुङमा ३ हजार ७ सय हेक्टर क्षेत्रफल ओगटे पनि ३ हजार ४ सय हेक्टर क्षेत्रफल मात्र उत्पादनशील क्षेत्र रहेको अलैँची जोनका कृषि विकास अधिकृत शम्भुप्रसाद देवले बताए ।

फुङ्लिङ नगरपालिकाका–११ मध्ये सबै वडामा किसानले अलैंची खेती गर्दै आएका छन् । मैवाखोला गाउँपालिकामा ६ मध्ये सबै वडामा अलैंची उत्पादन हुँदै आएको अलैंची जोन कार्यालय ताप्लेजुङले जनाएको छ । मिक्वाखोला गाउँपालिकाका पाँच वडा र फक्ताङलुङ गाउँपालिकाको वडा नं ७ ओलाङ्चुङगोलाबाहेक ६ वटा वडामा अलैंची खेती हुँदै आएको छ ।

आठराइ त्रिवेणी गाउँपालिकाका वडा नं ३, ४ र ५ गरी तीन वटा वडा र पाथीभरा याङ्वरक गाउँपालिकाको वडा नं १ र ३ गरी दुई वटा वडामा किसानले अलैंची खेती गर्दै आएका छन् । मेरिङ्देन गाउँपालिकाको वडा नं ३ खाम्लुङबाहेक बाँकी पाँचवटा वडा र सिरिजङ्गा गाउँपालिकाको वडा नं ६ मामांखेमा अलैंची खेती गरिन्छ ।

जिल्लामा रहेका कूल ६१ वडामध्ये प्रधानमन्त्री कृषि आधुनिकीकरण परियोजना अलैँची जोनले ३९ वटा वडामा कार्यक्षेत्र बनाएर कार्यक्रम गर्दै आएको अलैंची जोनका कार्यालय ताप्लेजुङले जनाएको छ ।



Leave a Reply

Your email address will not be published.

सम्बन्धित खबरहरु

शारीरिक रूपमा हामी स्वस्थ हुन धेरै किसिमका शारीरिक कसरत गर्छौ भने शरीरलाई हुने किसिमले धेरै किसिमका खानेकुराहरू खाने पनि गर्छौ

धेरैजस्तो मानिसहरू आफ्नो घरमा रङको छनोट गर्दा सेतो, सादा तथा हल्का रङ छान्ने गरेका छन् । सोही रङ भित्री कोठाहरूमा

तपाईँले आजसम्म धेरै पानीका स्रोतहरूको बारेमा सुन्नु भएको होला। धेरै पानी स्रोतहरूको आफ्नै कथा छ। कुनै जल कुण्ड आफ्नो श्रापको

शरीरमा स्ट्रेच मार्कहरू हुनु एकदमै स्वाभाविक हो र यसमा लाज मान्नु पर्ने केही छैन। कहिलेकाहीँ केही विशेष अवसरहरूमा हामी तिनीहरूलाई

Suggested