तिहारका लागि आजभोलि नै यसरी रोप्नुहोस् फूल



दशैं र तिहारमा सयपत्री, मखमली र गोदावरी फूलको प्रयोग धेरै हुन्छ । सयपत्री र मखमली फूल मौसमी फूल हो । यो फूल सिजनमा एक पटक फूलेर नष्ट हुन्छ । तर, गोदावरी फूल रोपेपछि जति समय बचाउन सकिन्छ त्यति नै रहन्छ । घर सजाउन, पूजा गर्नका लागि यी फूलहरुको माला र गुच्छा किन्ने गर्छौ । तर यी फूलहरु घरमै रोप्न सक्छौ । सयपत्री, मखमली र गोदावरी फुल कहिले, कसरी रोप्ने र के–के कुरामा ध्यान दिने विषयमा ‘हाम्रो बगैँचा नर्सरी’ का सञ्चालक सोनम लामा योञ्जनको सुझाव यस्तो छ ।

सयपत्री/मखमली

– दशै र तिहारका लागि सयपत्री र मखमली फूलको बीउ ७० दिन आगावैै अर्थात । साउनकोे पहिलो हप्ता रोप्नुपर्छ ।

– फूलको बीउ घाम लाग्ने तर सिधा अकाशको पानी नपर्ने ओभानो ठाउँमा राख्नुपर्छ ।

– सयपत्री र मखमली फूलको बीउ रोपेकोे पोली व्याग नर्सरीबाट ल्याउनु भएको छ भने ओभानो ठाउँमा राख्नुपर्छ ।

– बीउ रोपेको ३० देखि ४५ दिनको बेर्ना गमलामा वा जमिनमा सार्न उपयूक्त हुन्छ ।

– दशै र तिहारका लागि साउन १५ गते देखि २० सम्म नर्सरीबाट फूलका बेर्नाहरु ल्याएर रोप्नुपर्छ ।

– फूलमा कपोष्ट र पिनाको मलहरु प्रयोग गर्नुपर्छ ।

– किरा र रोगबाट बचाउन ढुसीनाशक औषधी समय–समयमा छर्नुपर्छ ।

– सुख्खा भएमा तीन देखि पाँच दिनको फरकमा पानी हाल्नुपर्छ ।

– मखमलीलाई राम्रो र झुप्प्पा परेको बनाउन दुई देखि चार पात हुँदा फूलको टुप्पो काट्नुपर्छ ।

गोदावरी

– गोदावरी फूलको हाँगाबाट बेर्ना बनाउन सकिन्छ ।

– दशैँ र तिहारमा यो फूल प्रयोग गर्नका लागि चैतदेखि बैशाखसम्म फूलको चारपातको हाँगा रोप्नुपर्छ ।

– हाँगाहरु पलाएपछि साउनको १५ वा २० गते सम्म हाँगा काट्नुपर्छ ।

– फूलमा नियमित पानी र मल हाल्नुपर्छ । यसरी रोपेको फूल दशैं तिहारका लागि फूल्छ ।



Leave a Reply

Your email address will not be published. Required fields are marked *

सम्बन्धित खबरहरु

‘ब्लु डायरी’ नाम सुन्नासाथ हामीलाई ‘ब्लु’ शब्दले पक्कै झस्काउँछ । किन कि नेपाली समाजमा ब्लु शब्दले पारेको प्रभाव त्यस्तै छ

यातायात व्यवस्था विभागले सवारी चालक अनुमति पत्र (लाइसेन्स) आवेदन खुला गरेको छ । कोरोना महामारीका कारण विगत ६ महिनादेखि बन्द

कमेडी च्याम्पियन २ का विजेता भरतमणि पौडेलले पूर्वयुवराज पारस शाहसँग भेट गरेका छन् । दुवैबीच एक घन्टा कुराकानी भएको थियो

पाल्पा ढाका कपडाले प्रसिद्ध जिल्ला हो । यहाँ आउने जो–कोहीले पनि ढाका कपडाबाट उत्पादित सामान कोसेलीका रुपमा अन्यत्र लैजाने गर्छन्