यसकारण आउँछ बालबालिकालाई ज्वरो, कसरी जोगाउने ?
सामान्यतया बालबालिकामा विभिन्न खाले रोगले दुःख दिइरहेको हुन्छ । त्यसैमध्येको एक हो– ज्वरो । शरीरमा कुनै भाइरल इन्फेक्सन वा ब्याक्टेरियल इन्फेक्सनका कारण बालबालिकालाई ज्वरो आउने चिकित्सकहरु बताउँछन् । त्यसैले बालबालिकालाई ज्वरो आउँदा अभिभावकले विशेष ख्याल गर्नुपर्छ । तिनै ख्याल गर्नुपर्ने कुराहरुका बारमा बाल रोग विशेषज्ञ डा. अनिलराज ओझाले दिएको सुझाव यस्तो छ :
ज्वरो आउनुको कारण
बाबालिकालाई ज्वरो मुख्य दुई कारणले आउने गर्छ । ब्याक्टेरियल इन्फेक्सन र भाइरल इन्फेक्सन । ब्याक्टेरियल इन्फेक्सनमा निमोनिया, टाइफाइट पर्छन् भने भाइरल इन्फेक्सनमा रुघा, खोकीका कारण पनि ज्वरो आउँछ । अहिलेको अवस्थामा कोभिड–१९ को कारणले पनि ज्वरो आएको हुन सक्छ । त्यस्तै, मलेरिया, कालाजारको संक्रमणले पनि ज्वरो आउँछ ।
कसरी जोगाउने ?
– बालबालिकाको व्यक्तिगत सरसफाईमा विशेष ध्यान दिने ।
– प्रशस्त आराम गराउने ।
– उनीहरुलाई बेलाबेलामा साबुन पानीले हात धुन सिकाउने ।
– खोक्दा हाछ्युँ गर्दा रुमालको प्रयोग गर्न लगाउने ।
– पोषणयुक्त खानेकुरा प्रशस्त खुवाउने ।
– खानामा प्रशस्त हरियो सागसब्जि समावेश गराउने ।
– बालबालिकालाई दिनु पर्ने सम्पुर्ण खोप दिने ।
– लगातार ज्वरो आइरह्यो भने अस्पताल लैजाने ।
– चिकित्सकको सल्लाह अनुसार औषधि खुवाउने ।
