यसकारण पोल्छ पेट, कसरी बच्ने ?
डा. सन्दिपराज कुँवर, पेट रोग विशेषज्ञ
पछिल्लो समय पेट पोल्ने समस्याले अधिकांश मानिसलाई सताउने गरेको छ । पेट पोल्ने विभिन्न कारणहरु हुन्छन् त्यसमध्ये ग्यास्ट्राइटिस, प्यानक्रियाटाइटिस, पित्तको थैलीमा हुने पत्थरी, आन्द्रामा समस्या, हेपाटाइटिस मूख्य हुन् ।
यस्तै, पेटमा एसिडको मात्रा धेरै भएमा वा एसिडबाट बचाउ गर्ने तह कमजोर भएमा यसले पेट पोल्छ । कुनैबेला पेटबाट माथि खाना जाने नली हुँदै घाँटीसम्म एसिड पुग्ने भएकाले छाती पोल्ने र अमिलो पानी आउने पनि गर्दछ । पेटमा अल्सर भएमा पनि पेट पोल्ने समस्या देखिन सक्छ ।
पेट पोल्ने समस्याबाट बच्ने उपाय :
– लामो समय भोको नबस्ने ।
– चिल्लो, तारेका खानेकुराहरु कम खाने ।
– पानी प्रशस्त पिउने ।
– धुम्रपान, मद्यपान सेवन नगर्ने ।
– दुग्धजन्य खानेकुरा कम खाने ।
– खाना खाने बित्तिकै नसुत्ने
– रातिको खाना सुत्नु भन्दा दुई–तीन घन्टा अघि खाने ।
– नियमित व्यायाम र हिँडडुल गर्ने ।
– जंक फुड नखाने ।
– तनाव नलिने ।
– तैपनि पेट पोल्यो भने कारण पत्ता लगाउन भिडियो एक्सरे वा अल्ट्रासाउन्ड गरेर चिकित्सकको सल्लाहमा औषधि सेवन गर्ने ।
