एकैदिन २,६३४ जनामा संक्रमण १,५६५ ले जिते कोरोना
नेपालमा थप २ हजार ६ सय ३४ जनामा कोरोना पुष्टि भएको छ भने १ हजार ५ सय ६५ जना संक्रमणमुक्त भएका छन् । यो सँगै नेपालका कोरोना संक्रमण मुक्त हुनेको संख्या ६ लाख १२ हजार ९ सय ९४ पुगेको छ ।
यस्तै, काठमाडौं उपत्यकामा थप ४ सय ९९ जना संक्रमित थपिएका छन् । जसमध्ये काठमाडौंमा ३ सय ६५, ललितपुरमा १ सय ५ र भक्तपुरमा २९ जना रहेका छन् । हाल काठमाडौंमा ५ हजार ३ सय ३०, भक्तपरमा ९ सय ७३ र ललितपुरमा १ हजार ५ सय २५ जना सक्रिय संक्रमित रहेका छन् ।
नेपालभर २२ हजार ९ सय ६९ जना संक्रमित होम आइसोलेसनमा छन् भने २ हजार ८ सय ५९ जना संस्थागत आइसोलेसनमा छन् । यी मध्ये ५ सय ६७ जनाको आईसियू र १ सय ७१ जनाको भेन्टिलेटमा उपचार भइरहेको स्वास्थ्य तथा जनसंख्या मन्त्रालयले जनाएको छ ।
नेपालमा आज थप १५ जनाको मृत्यु भएको छ । यो सँगै नेपालमा कोरोनाबाट मृत्यु हुनको संख्या ९ हजार २ सय ६३ पुगेको छ ।
