के शारीरिक सम्बन्धबाट कोरोना सर्छ ?
कोरोना भाइरसको महामारी अहिले सारा विश्वमा नै व्याप्त छ । नेपालमा पनि दोश्रो लहरको कोरोनाका कारण गत वैशाख १६ गतेदेखि निषेधाज्ञा जारी छ । काठमाडौं उपत्यकामा केही खुकुलो बनाएर निषेधाज्ञा एक हप्ताका लागि थपिएको छ ।
मानिसहरु यति बेला घरमै बस्न बाध्य छन् । अझ विशेष त पछिल्लो समय मानिसहरु दोश्रो लहरको कोरोनाबाट त्रस्त बनेका छन् । यस्तो समयमा कतिपयको मनमा शारीरिक सम्बन्धबाट कोरोना सर्छ वा सर्दैन भन्ने जिज्ञासा लाग्न सक्छ ।
संक्र्रमितसँग हात मिलाउँदा, अंकमाल र चुम्बन गर्दा थुक वा र्यालका छिटाबाट कोरोना भाइरस अर्को व्यक्तिमा सर्ने विज्ञहरु बताउँछन् ।
हालसम्म भएका अध्ययनहरुका अनुसार पुरुषको वीर्य र महिलाको योनिरसमा कोरोना भाइरस भेटिएको पुष्टि भएको छैन । तर कोरोना संक्रमित व्यक्तिसँग शारीरिक सम्बन्ध राख्दा चुम्बन र अंकमाल हुने भएकाले र्याल र थुकको छिटा मार्फत कोरोना भाइरस सर्नसक्ने विज्ञहरुको भनाइ छ ।
यस्तो समयमा विज्ञहरु शारीरिक सम्बन्ध नराख्न नै सुझाव दिन्छन् तर दम्पत्ती दुवै जनाको स्वस्थ्य राम्रो छ भने सम्बन्ध राख्दम कुनै फरक नपर्ने उनीहरुको तर्क छ ।
