घरमै यसरी बनाउनुहोस् ठेकुवा

ठेकुवा मिथिला समुदायको स्थानीय खाने परिकार हो । यसलाई छठ पर्वमा विशेष प्रयोग गरिन्छ । यो गहुँको पिठो र सख्खर मिलाएर बनाइन्छ । छठीमाईलाई मनपर्ने परिकारको रुपमा अर्घ्यमा ठेकुवा अनिवार्य समावेश गरिने जनकपुरकी पूजा अधिकारी बताउँछिन् ।

उनका अनुसार ठेकुवालाई छठीमाईको प्रसादको रुपमा खाने र खुवाउने चलन छ । विशेषता छठमा यो परिकार खाने भए पनि कोरोनाको दोस्रो लहरमा सरकारले गरेको १५ दिने निषेधाज्ञामा परिवारसँग बसेर पनि खान सकिन्छ ।

पूजा अधिकारीले दिएको जनकारी अनुसार यसरी बनाउन सकिन्छ ठेकुवा

आवश्यक सामग्री

– दुईसय ग्राम गहुँको पिठो
– तीनसय ग्राम सख्खर
– पानी आवश्यक अनुसार
– इच्छा अनुसार नरिवल, किसमिस

बनाउने विधि

– सख्खर र पानी घोल्नुहोस् ।
– घोलेको पानी चिया छान्नेले छान्नुहोस् ।
– घोलीसकेको पानीले गहुँको पिठो समान्य रोटी पकाउँदा पिठो मुछे जस्तै मुछ्नुहोस् ।
– तयार भएको पिठोलाई हातले वा बेलेर रोटी जस्तै तर लामो अकार बनाउनु होस् ।
– यसरी बनाएको काँचो ठेकुवा तेलमा खेरौ नहुँदासम्म तार्नुहोस् ।
– अब ठेकुवा खानलाई तयार भयो ।