न्यायका लागि सडक नाटक

राजधानीको माइतीघरमा सोमबार निर्मला कुर्मीका न्यायका लागि बृहत नागरिक आन्दोलन अन्तर्गत विरोध प्रदर्शन गर्ने क्रममा शिल्पी थिएटरद्वारा सडक नाटक समेत देखाइए । विरोधका क्रमममा उक्त जुलुस जिल्ला प्रशासन कार्यालय नजिक पुग्दा रुबी खान लगायत केही आन्दोलनकर्मीहरुलाई प्रहरीले हिरासतमा लिएको थियो । नेपालगन्जबाट आएका आन्दोनकारीहरुले माइतीघरमा विरोध प्रदर्शन गर्न लागेको २६ दिन पुगीसके पनि सरकारका तर्फबाट प्रभावकारी सम्बोधन हुन सकेको छैन । विरोधका क्रममा अधिकारकर्मी सन्जिव उप्रेतीले देशमा लोकतन्त्र छ कि छैन भनेर प्रश्न गरे भने खानले यदि न्याय माग्नु अपराध हो भने हामी सबै अपराधी हाैं भन्ने भावना व्यक्त गरे ।

आन्दोलनका क्रममा वरिष्ठ फोटो पत्रकार विकास रौनियारले कैंद गरेका केही तस्बिरहरु ।