मुख छोपेर सुत्दा हुन सक्छन् यी गम्भीर समस्या

देशका धेरै ठाउँमा चिसो बढेको छ । जाडोमा मानिसहरू चिसोबाट बच्न न्यानो पन्जा लगाउने गर्छन् । त्यस्तै, राति सुत्दा चिसोबाट बच्न धेरै मानिसहरू टाउकोदेखि खुट्टासम्म पूरै छोपेर सुत्ने गर्छन् । यो बानीले चिसोबाट बचाउँछ तर तपाईँलाई स्वास्थ्यसँग सम्बन्धित धेरै समस्या हुन सक्छ। मुख छोपेर सुत्दा टाउको दुख्ने, बान्ता हुने र वाकवाकी लाग्ने जस्ता समस्या हुन सक्छ। के तपाईँलाई थाहा छ चिसोबाट बच्न अनुहार छोपेर सुत्नु कत्तिको हानिकारक हुन्छ ?

रक्तसञ्चारमा प्रभाव

मुख छोपेर सुत्दा तपाईँको रक्तसञ्चारमा असर पर्न सक्छ। जब तपाईँ आफ्नो मुख कम्बल र सिरकले छोप्नुहुन्छ, तपाईँ ताजा अक्सिजन प्राप्त गर्न सक्नुहुन्न । बाहिरबाट शुद्ध अक्सिजन नपाउँदा रक्तसञ्चारमा असर पर्न सक्छ ।

छालाको एलर्जी

साथै, मुख छोपेर सुत्दा छालाको एलर्जी पनि हुन सक्छ। मुख छोप्दा शुद्ध हावा पस्न दिँदैन, जसका कारण छालाको चमक पनि हट्छ । यस्तो अवस्थामा छालामा दाग आउने सम्भावना पनि बढ्छ ।

हृदयाघातको जोखिम

जाडोमा मुख छोपेर सुत्दा हृदयाघातको खतरा बढ्छ, किनभने मुख छोप्दा अक्सिजन ठिकसँग पुग्दैन । यसले गर्दा वाकवाकी लाग्ने, बान्ता हुने र हृदयाघातको जोखिम बढ्न सक्छ ।

फोक्सोको लागि खतरनाक

मुख छोपेर सुत्नु पनि फोक्सोका लागि खतरनाक हुन्छ । यदि तपाई हरेक दिन यसरी सुत्नुहुन्छ भने फोक्सो खुम्चिन थाल्छ, जुन तपाईँको लागि हानिकारक हुन सक्छ ।

यो पनि…
तातोपानी पिउनुका बेफाइदा पनि छन्
उल्टो हिँड्दा हुने फाइदा