सेयर बजारमा दोहोरो अंकको वृद्धि
साताको अन्तिम कारोबार दिन बिहीबार सेयर बजार दोहोरो अंकले बढेको छ। आज नेप्से परिसूचक ११.२२ अंक अर्थात् ०.५८ प्रतिशतले बढेर १९६१.०६ बिन्दुमा पुगेर बन्द भएको हो।
नेप्से परिसूचकसँगै आज कारोबार रकम पनि बढेको छ। अघिल्लो कारोबार दिन अर्थात् बुधबार ८४ करोड २६ लाख ९५ हजार ३०१ रुपैयाँ बराबरको सेयर कारोबार भएकोमा त्यो रकम बढेर आज १ अर्ब ३२ करोड २९ लाख ७२ हजार १८८ रुपैयाँ पुगेको छ।
आज २४१ वटा धितोपत्रको ३८ लाख ६५ हजार ९६१ कित्ता सेयर किनबेच भएको छ। बिहीबार धैलागिरी लघुवित्तको सेयर मूल्यमा सकारात्मक सर्किट लागेको छ। कम्पनीको सेयर मूल्य १० प्रतिशतले वृद्धि भएसँगै सकारात्मक सर्किट लागेको हो। कम्पनीको सेयर मूल्य प्रतिकित्ता २९२ रुपैयाँ ६० पैसामा बन्द भएको छ।
त्यस्तै, स्वेत गंगा हाइड्रोपावरको सेयर मूल्य ९.२१ प्रतिशतले बढेर प्रति कित्ता मूल्य २६४ रुपैयाँ ३० पैसा कायम भएको छ। आज सेयर मूल्य सर्वाधिक घट्नेमा सिटिजन्स म्युचुअल–१ फण्ड रहेको छ। उक्त योजनाको इकाइ मूल्य ३।६४ प्रतिशतले घटेर प्रति इकाइ मूल्य ७ रुपैयाँ ९५ पैसामा झरेको छ।
त्यस्तै, घलेम्दी हाइड्रोपावरको सेयर मूल्य २.६३ प्रतिशतले घटेर प्रति सेयर मूल्य २०७ रुपैयाँमा बन्द भएको छ। बिहीबार सर्वाधिक सेयर खरिद–बिक्री नबिल बैंकको भएको छ। आज कम्पनीको ९१३ रुपैयाँमा १४ करोड ४५ लाख रुपैयाँ बराबरको सेयर खरिद–बिक्री भएको हो। यो मूल्य अघिल्लो दिनको तुलनामा ३.५१ प्रतिशतले बढेको हो।
सर्वाधिक सेयर खरिद–बिक्री हुने दोस्रो सूचीमा एनसिसी बैंकको संस्थापक सेयर रहेकोे छ। उक्त कम्पनीको ११९ रुपैयाँ ३८ पैसामा ८ करोड १३ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये होटल्स तथा पर्यटन, लगानी र निर्जीवन बीमा समूहको परिसूचक क्रमशः ०.१८, ०.०५ र ०.२० प्रतिशतले घटेको छ भने बाँकी सबै समूहको परिसूचक बढ्दा समग्र नेप्से बढेको हो। आज जीवन समूहको परिसूचक सर्वाधिक १.२८ प्रतिशतले बढेको छ।
यो पनि…
गत साता घटेको सेयर बजार यो साता के होला ?
डिम्याट खाता र मेरो सेयरको वार्षिक शुल्क नबुझाए खाता रोक्का
Binance推荐代码
I don't think the title of your article matches the content lol. Just kidding, mainly because I had some doubts after reading the article.