ग्याब्रियलको कस्टमर मिट सम्पन्न
एसडीआई अटोमोबाइल्स प्रालिले शनिबार ‘कस्टमर मिट’ कार्यक्रम सम्पन्न गरेको छ । यो कम्पनी ग्याब्रियल इन्डियाको नेपालका लागि आधिकारिक वितरक हो । काठमाडौँमा सम्पन्न उक्त कार्यक्रममा देशभरका रिटेल व्यवसायीहरूको सहभागिता रहेको थियो ।
उक्त कार्यक्रममा बोल्दै ग्याब्रियल इन्डिया लिमिटेडका सीओओ अमिताभ श्रीवास्तवले नेपाली बजारमा हाल उपलब्ध ग्याब्रियलका उत्पादनको बिक्री आगामी दुई वर्ष पश्चात् तेब्बर बनाउने लक्ष्य रहेको बताएका छन् । आगामी दिनमा ग्राहकका लागि थप गुणस्तरीय सामाग्री उपलब्ध गराउने उनले बताए ।
ग्याब्रियल इन्डियाका जनरल म्यानेजर एसके रमनले नेपालमा ग्याब्रियलका स्पेयर पार्ट्स आगामी दिनमा अझै प्रयोगमा आउने र यसका लागि कम्पनीले सबै प्रकारको सहयोग गर्ने प्रतिबद्धता व्यक्त गरे ।
कार्यक्रममा एसडीआई अटोमोबाइल्सका चेयरम्यान दीपेन्द्र मिश्र र डाइरेक्टर सञ्जीव हमालले सबै रिटेलरहरुलाई स्वागत गर्दै आगामी दिनमा एक अर्कामा सहयोग कायमै रहने विश्वास व्यक्त गरे ।
नेपाली बजारमा ग्याब्रियलका सक एब्जर्बर, फ्रन्ट फोर्क्स, इनर ट्युब, फ्रन्ट फोर्क्स आयल, आयल सिल, एफएफ स्प्रिङ, बुस्किट, ओसी स्प्रिङ, ह्विल रिम, ब्रेक फ्लुइड आदि उपलब्ध छन् ।
विश्वमा यो कम्पनी हाल आठौँ नम्बरमा रहेको छ । आगामी ३ वर्ष भित्र पाँचौँ नम्बरमा रहने योजना छ । सीओओ श्रीवास्तवले भने, ‘यद्यपि यो निकै नै कठिन कार्य हो । यसका लागि सबैको सहयोग आवश्यक हुन्छ ।’ ग्याब्रियलले यो वर्ष ३ हजार करोडको व्यापार गर्ने योजना बनाएको छ ।
अस्ट्रेलिया, साउथ इस्ट एसिया, एसिया, युरोप, मिडिल इष्ट, अफ्रिका, नर्थ अमेरिका र साउथ अमेरिकामा ग्याब्रियलका सक एब्जर्बर उपलब्ध छन् । ग्याब्रियलले विभिन्न प्रकारका प्रतिष्ठित अवार्ड समेत प्राप्त गरेको छ ।
यो पनि…
अटोमोबाइल: आत्मनिर्भर बनाउने व्यवस्थित तुल्याउने (भिडियोसहित)
सबै गाडी एकैठाउँ भेला, सुरु हुँदै अटो कुम्भमेला
