युक्रेनले गर्यो आफ्ना नागरिकलाई यस्तो आग्रह
रूसी सेनाले पूर्वी युक्रेनमा गोलाबारी तीव्र पारेसँगै युक्रेन सरकारले सर्वसाधारणलाई लुहान्स्कबाट सुरक्षित क्षेत्रमा जान अनुरोध गरेको छ ।
सो क्षेत्रमा ठूलो संख्यामा रूसी फौज परिचालन भएका छन् । सो क्षेत्रका शहर र गाउँमा अझै ३० प्रतिशत वासिन्दा रहेको रायटर्स समाचार संस्थाले जनाएको छ ।
रूसले पूर्वी युक्रेनको दोनबासमा आफ्नो हमला तीव्र पारेको विवरण सार्वजनिक भइरहेका बेला सरकारले त्यहाँ खाली गर्न सर्वसाधारणलाई अनुरोध गरेको हो । यसैबीच रूसले युक्रेनमा आफ्नो सैन्य नेतृत्वलाई पुनर्गठन गरेको छ ।
जनरल अलेक्जेन्डर दिभोरनिकोभलाई सम्पूर्ण जिम्मेवारी दिइएको छ । जनरल अलेक्जेन्डरमा सिरियामा भएका रूसी कारबाहीमा राम्रो अनुभव भएको पश्चिमा अधिकारीहरूले बताएका छन् ।
यो पनि…
जेलेन्स्की भन्छन्– रूसमाथि थप प्रतिबन्ध लगाइयोस्
अस्ट्रेलियाको युक्रेनलाई साथ, रूसको आलोचना
