युक्रेनको खार्किभमा रूसी सेनाको हमला
युक्रेनको दोस्रो ठूलो शहर खार्किभको आवासीय क्षेत्रमा रूसी सेनाको हमलामा सात जनाको मृत्यु भएको छ । हमलामा कम्तीमा ३४ जना घाइते भएका छन् ।
स्थानीय समयअनुसार साँझ ६ः०० बजे रुसी आक्रमणकारीहरूले खार्किभको स्लोबोडा जिल्लामा रहेका आवासीय भवनहरूमा गोलाबारी गरेका थिए । गोलाबारीमा करिब १० घर र एउटा ट्रलीबस डिपोमा क्षति भएको जनाइएको छ ।
‘हमलामा सात जनाको मृत्यु भएको र तीन बालबालिकासहित ३४ जना घाइते भएका छन्’, खार्किभको क्षेत्रीय अभियोजकको कार्यालयले भनेको छ । रूसको सिमानानजिक रहेको उत्तर–पूर्वी युक्रेनको खार्किभमा २४ फेब्रुवरीमा रूसी सेनाले हमला गरेपछि ठूलो क्षति भएको छ ।
रूसी सेनाले युक्रेन आक्रमणको आकार घटाउने बताए पनि गोलाबारी रोकिएको छैन । राजधानी किभ र बुचा शहरबाट भने रूसी सेना पछि हटेको बताइएको छ ।
यो पनि…
धमाधम शव फेला पर्न थाल्यो
राष्ट्रपति जेलेन्स्कीले सोधे- रूसी सेनाको लक्ष्य के हो ?
यी हुन् विश्व इतिहासमा आज भएका घटनाक्रम
