युक्रेनको युद्ध क्षमतामा कमी ल्याउन सफल भएको रूसको दाबी
एक महिनाअघि युक्रेनमा आक्रमण गरेको रूसले युद्धको प्रारम्भिक उद्देश्य पूरा भएको र युक्रेनको युद्ध क्षमतामा कमी ल्याउन सफल भएको दाबी गरेको छ ।
बीबीसीको भनाइमा रूसको आक्रमण युक्रेनका केही शहरहरू कब्जा गर्ने र युक्रेनको सरकार ढाल्न लक्षित भएको देखिएको छ । तर युक्रेनको बलियो प्रतिवादका कारण रूस अघि बढ्न सकिरहेको छैन ।
रूसका वरिष्ठ सैन्य अधिकारी सर्गेई रुद्स्कोईले भने, ‘हाम्रो कारबाहीको पहिलो चरणको मुख्य काम पूरा भएको छ । युक्रेनी सशस्त्र फौजको युद्धक्षमता ठोस रूपमै कमजोर भएको छ जसले अब हामीलाई मुख्य लक्ष्य हासिल गर्न केन्द्रित हुन सहयोग पुग्छ । त्यो भनेको डोन्बासलाई मुक्त गर्नु हो ।’
उनका अनुसार अब रूसी सैनिकहरूले डोन्बासको पूर्ण मुक्तिका लागि ध्यान केन्द्रित गर्नेछन् । पूर्वी युक्रेनको डोन्बास रूसले समर्थन गरेका पृथक्तावादीहरूको बाहुल्य रहेको क्षेत्र हो । रूसी सेनाले किएभमा पनि बमबारी जारी राख्दै राजधानी सहरलाई घेराबन्दी गरिरहेका छन् ।
यो पनि…
रूसी पर्वतारोहीमाथि प्रतिबन्धन लगाउन नेपाललाई युक्रेनको अनुरोध
रूसले अब कस्तो हतियार प्रयोग गर्न सक्छ ?
