युक्रेनी राष्ट्रपतिले किन सम्बोधन गर्दैछन् अमेरिकी सिनेटलाई ?
युक्रेनका राष्ट्रपति भोलोदिमिर जेलेन्स्कीले आज अमेरिकी सिनेटलाई सम्बोधन गर्ने भएका छन् । जेलेन्स्कीले जुममार्फत अमेरिकी सिनेटरहरूसँग रूसी संकटबारे छलफल गर्ने भएका छन् ।
युक्रेनमा युद्ध चर्किरहेका बेला केही अमेरिकी सांसदहरूले राष्ट्रपति जो बाइडेनलाई रूसविरुद्ध कडा कदम चाल्न अनुरोध गर्दै आएका छन् । रूसी तेलको आयातमा प्रतिबन्ध लगाउन उनलीहरूले राष्ट्रपतिसँग अनुरोध गर्दै आएका थिए ।
रूसी तेल आयातमा प्रतिबन्ध लगाउने सम्भावित अमेरिकी कदमले तेलको मूल्य अझ बढी बढ्न सक्ने र मुद्रास्फीतिले थिचिएका अमेरिकी उपभोक्ताहरूलाई अझै असर गर्ने ह्वाइट हाउसको विश्लेषण छ ।
यसैबीच रिपब्लिकन सिनेटर लिन्डसे ग्राहमले रूसी राष्ट्रपतिको हत्या गर्न रूसभित्रकै कसैलाई आह्वान गरेका छन् ।
यो पनि
रूसी हमलाबारे जर्मनीले के भन्यो ?
