मिर्गौला रोग, क्यान्सर र मेरुदण्ड पक्षघात भएका बिरामीलाई मासिक ५ हजार भत्ता सरकारको घोषणा
मिर्गौला रोग, क्यान्सर र मेरुदण्ड पक्षघात भएका बिरामीलाई सरकारले मासिक ५ हजार भक्ता दिने घोषणा गरेको छ । शुक्रबार संसदमा बजेट अध्यादेशको प्रतिस्थापन विधेयक प्रस्तुत गर्दै अर्थमन्त्री जनार्दन शर्माले गम्भीर रोगका बिरामीलाई ५ हजार भत्ता दिने घोषणा गरेका हुन् ।
यसअघि आमचुनावको मुखमा तत्कालिन शेरबहादुर देउवा सरकारले मिर्गौला, क्यान्सर र मेरुदण्ड पक्षघात भइ प्यारालाइसिस भएका बिरामीलाई मासिक उय५ हजार भक्ता दिने निर्णय गरेको थियो । सोही निर्णयलाई कार्यान्वयन गर्नका लागि अहिले देउवा नेतृत्वकै सरकारले बजेटमा समावेश गरेको हो ।
सरकारको तथ्य अनुसार करिव १ लाख बिरामीलाई मासिक भत्ता दिनुपर्ने छ । जसमा मासिक ५० करोड रुपैयाँ भत्तामा खर्च हुन्छ । यो सँगै सरकारले चालु आर्थिक वर्षको बजेटलाई समेत परिमार्जन गरेको छ । बजेट अध्यादेशले ल्याएको बजेटलाई परिमार्जन गर्दै सरकारले १६ खर्ब ३२ अर्ब ८३ करोड रुपैयाँको बजेटको प्रतिस्थापन विधेयक ल्याएको हो ।
