यी हुन् मास्क लगाउनुका फाइदा
विश्वमा कोरोना संक्रमणको त्रास फैलिएसँगै मास्क अहिले अत्यावश्यक भइसकेको छ । कोरोना माहमारीसँग बच्नका लागि मास्कको प्रयोग नै उत्तम उपाय हो । त्यसैले कोरोनाबाट बचाउनुको साथ–साथै मास्कको प्रयोगले अन्य के–के फाइदा हुन्छ जानौँ ।
कोभिड–१९ चक्र तोड्ने
मास्क लगाएपछि कोभिड–१९ भाइरस एक व्यक्तिबाट अर्को व्यक्तिमा सर्न सक्ने सम्भावना कम हुने भएकोले धेरै व्यक्तिहरु संक्रमित हुनबाट बच्न सक्छन् ।
सामाजिक शिष्टाचार झल्किने
लक्षण नभएका व्यक्तिहरुले पनि भाइरस सार्न सक्ने भएकोले दुबैले मास्क लगाउँदा सुरक्षित हुन्छौं । यसबाट एक अर्का प्रतिको सम्मान भाव झल्किन्छ ।
जीवन फेरि सामान्य हुने
मास्क लगाएर र जनस्वास्थ्यका अरु मापदण्ड पालना गर्दा हामी फेरि पनि साथीभाईसँग भेट्ने, कार्यालय जाने जस्ता क्रियाकलापमा सहभागि हुन सक्छौँ ।
आर्थिक गतिविधि बढ्ने
सबै जनाले मास्क लगाउन थाले संक्रमण कम हुन्छ । र, आर्थिक गतिविधिहरु जस्तै उद्योग, व्यवसायहरु खुल्दा सबैलाई सहज हुन्छ ।
शारीरिक स्वस्थता बढ्ने
मास्क लगाउँदा कोभिड–१९ बाट मात्र नभई अन्य सरुवा रोग, धुवाँ धुलोबाट पनि बच्ने भएकाले शारीरिक स्वस्थता बढ्छ ।
