English

२५ घन्टा ५० मिनेटमै सगरमाथा चढेर हङकङकी साङले बनाइन् विश्व कीर्तिमान



हङकङकी एदा साङले छोटो समयमा सगरमाथा आरोहण गरेर कीर्तिमान कायम गरेकी छिन् । २५ घन्टा ५० मिनेटमै सगरमाथा चढेर साङले महिलातर्फको कीर्तिमान बनाएकी हुन् ।

उनी आइतबार दिउँसो ३ बजेर १० मिनेट जाँदा सगरमाथको चुचुरो पुगेको सम्पर्क अधिकृत द्वय सोना शेर्पा र ज्ञानेन्द्र श्रेष्ठले बताए । यसअघि नेपालकी फुन्जो जाङ्मु लामाको ३९ घन्टा ६ मिनेटको रेकर्ड थियो ।

साङले शनिबार दिउँसो १ बजेर २० मिनेट जाँदा वेसक्याम्पबाट सगरमाथातर्फ यात्रा सुरु गरेकी थिइन् । उक्त आरोहणको नेतृत्व फूर्वा तेन्जिङ शेर्पाले गरेका थिए भने पेम्बा दोर्जे शेर्पा आरोहणका सरदार हुन् । यसैगरी, फूर्वा थिले शेर्पाले प्रमुख पथ पर्दशकको भूमिका निर्वाह गरेका थिए । टोलीमा मिङ्मा नुरु शेर्पा, पदम तामाङ, निमा ग्याल्जेन शेर्पा सहभागि थिए ।

साङको यो सगरमाथा तेस्रो आरोहण हो । यसअघि २०१७ उनले सगरमाथा चढ्दै हङकङबाट सगरमाथा आरोहण गर्ने पहिलो महिला बनेकी थिइन् । यसैगरी, सन् २०१९ मा उनले दोस्रोपटक सगरमाथाको सफल आरोहण गरेकी थिइन् ।
यो पनि पढ्नुहोस् ।
लक्ष्य: सगरमाथामा कीर्तिमानी ह्याट्रिक
के चाहिन्छ ! सगरमाथा चढ्न ?

यो पनि पढ्नुहोस् ।
लक्ष्य: सगरमाथामा कीर्तिमानी ह्याट्रिक
के चाहिन्छ ! सगरमाथा चढ्न ?



Leave a Reply

Your email address will not be published. Required fields are marked *

सम्बन्धित खबरहरु

नेपालको अन्नपूर्ण संरक्षण क्षेत्रमा नयाँ प्रजातिको चरा भेटिएको छ । नयाँ प्रजातिको चरा ‘फुस्रो सारौं’ नाममा अभिलेख गरिएको छ ।

वायु प्रदूषण रोक्न विकसित मुलुकहरूले सवारी साधन, कलकारखाना, उद्योगलगायत विभिन्न क्षेत्रमा विशेष मापदण्डहरू तोकी एक्युआई अर्थात् एयर क्वालिटी इन्डेक्समा उत्तम

‘तपाई जति प्रकृति नजिक पुग्नु हुन्छ, प्रकृति त्यति नै तपाई नजिक आइपुग्छ’, यो भनाई हङकङका नेपाली व्यवसायी राज गुरुङलाई ठ्याक्कै

एक साँझ हामी सूर्यास्त अवलोकन गर्न हेग शहरको अत्याधिक प्रसिद्ध समुन्द्रतट स्केभनिनगन गएका थियौँ । हाम्रो टोलीमा इटाली, फ्रान्स, नर्वे,