निरन्तर चौथो कारोबार दिन उकालो लाग्यो सेयर बजार

सेयर बजार निरन्तर चौथो कारोबार दिन उकालो लागेको छ। आज नेप्से परिसूचक ७.३२ अंक बढेर १९३८.३० विन्दुमा पुगेको छ। त्यसैगरी, आज सेन्सेटिभ इण्डेक्स ०.७९ अंक बढेको छ भने फ्लोट इण्डेक्स ०.३९ अंक र सेन्सेटिभ फ्लोट इण्डेक्स ०.५५ अंक बढेको छ।

नेप्सेसँगै आज कारोबार रकम पनि बढेको छ। अघिल्लो कारोबार दिन १ अर्ब २९ करोडको सेयर खरिदबिक्री भएको बजारमा आज २२७ स्टकको २९ हजार ४७ पटकको कारोबारमा १ अर्ब ४६ करोड ७९ लाख रुपैयाँ बराबरको ४३ लाख ४६ हजार कित्ता सेयर खरिदबिक्री भएको छ।

१३ उपसमूहको परिसूचकमध्ये ३ उपसमूहको परिसूचक घटेको छ भने बाँकी १० उपसमूहको परिसूचक बढेको छ। आज अन्य उपसमूहको परिसूचक सर्वाधिक १.४४ प्रतिशत बढेको छ। कारोबारमा आएको बैंकिङ्ग, निर्जीवन बीमा र व्यापार उपसमूहको परिसूचक घटेको छ।

कारोबार रकमका आधारमा आज शिवम् सिमेन्ट् शीर्ष स्थानमा रहेको छ। सो कम्पनीको आज ७ करोड ८५ लाख रुपैयाँभन्दा बढीको सेयर कारोबार भएको छ। त्यसैगरी, नबिल बैंकको साढे ५ करोडभन्दा बढीको सेयर खरिदबिक्री भएको छ भने रिडी हाइड्रोपावरको ५ करोडभन्दा बढीको सेयर किनबेच भएको छ।

बुधबार कर्पोरेट डेभलपमेन्ट बैंक र कर्णाली डेभलपमेन्ट बैंकको सेयरमूल्य ८ प्रतिशतभन्दा बढी बढेको छ। त्यसैगरी, जोशी हाइड्रोपावर, मानुषी लघुवित्त, ग्रीनलाइफ हाइड्रोपावर र दिव्यश्वरी हाइड्रोपावरको सेयरमूल्य ५ प्रतिशतभन्दा बढी बढेको छ। यता सबैको लघुवित्त वित्तीय संस्था र महुली लघुवित्त वित्तीय संस्था लिमिटेडको सेयरमूल्य साढे ३ प्रतिशतभन्दा बढी घटेको छ।

यो पनि…
गत साता घटेको सेयर बजार यो साता के होला ?
डिम्याट खाता र मेरो सेयरको वार्षिक शुल्क नबुझाए खाता रोक्का