सेयर बजारमा हरियाली
तिहार छठको बिदापछिको पहिलो कारोबार दिन सोमबार सेयर बजार १६.३९ अंकले बढेको छ। आज नेप्से परिसूचक ०.८८ प्रतिशतले बढेर १८७४.८७ बिन्दुमा पुगेर बन्द भएको छ।
आज २२४ वटा धितोपत्रको ६९ करोड ७३ लाख १७ हजार ६११ रुपैयाँ बराबरको कारोबार भएको छ। सोमबार सयपत्री हाइड्रोपावरको सेयरमूल्यमा सकारात्मक सर्किट लागेको छ। कम्पनीको सेयरमूल्य १० प्रतिशतले वृद्धि भएर प्रतिकित्ता मूल्य ३१३ रुपैयाँ ५० पैसामा बन्द भएको छ।
त्यस्तै, एसबिआई बैंकको सेयर मूल्य ८.२४ प्रतिशतले बढेर प्रतिकित्ता मूल्य २८९ रुपैयाँ कायम भएको छ। आज सेयर मूल्य सर्वाधिक घट्नेमा अपर हेवाखोला हाइड्रोपावर रहेको छ। कम्पनीको सेयर मूल्य ८.१६ प्रतिशतले घटेर प्रतिकित्ता मूल्य ३३९ रुपैयाँ ८० पैसामा झरेको छ।
त्यस्तै, रुरु जलविद्युत परियोजनाको सेयर मूल्य ६.५८ प्रतिशतले घटेर प्रतिकित्ता मूल्य ७८१ रुपैयाँ कायम भएको छ।
आज सर्वाधिक सेयर खरिद–बिक्री एनआइसी एशिया बैंकको भएको छ। कम्पनीको ६६० रुपैयाँमा ६ करोड १७ लाख रुपैयाँ बराबरको सेयर खरिद–बिक्री भएको हो। यो मूल्य अघिल्लो दिनको तुलनामा ६.८० प्रतिशतले बढेको हो।
सर्वाधिक सेयर खरिद–बिक्री हुने दोस्रो सूचीमा एभरेष्ट बैंक रहेको छ। उक्त बैंकको ५३३ रुपैयाँमा ४ करोड ३९ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये विकास बैंक समूहको परिसूचक ०.३९ प्रतिशतले घटेको छ भने बाँकी सबै समूहको परिसूचक बढ्दा समग्र नेप्से बढेको हो। आज होटल्स तथा पर्यटन समूहको परिसूचक सर्वाधिक १.६५ प्रतिशतले बढेको छ।
त्यस्तै, अन्य समूहको परिसूचक १.५९ प्रतिशत, बैंकिङ समूहको परिसूचक १.५२ प्रतिशत र व्यापार समूहको परिसूचक १.१४ प्रतिशतले बढेको छ।
यो पनि…
गत साता घटेको सेयर बजार यो साता के होला ?
डिम्याट खाता र मेरो सेयरको वार्षिक शुल्क नबुझाए खाता रोक्का
