सेयर बजारमा दोहोरो अंकको वृद्धि

बुधबार सेयर बजार १३.३३ अंक बढेर २०४३.९२ विन्दुमा पुगेको छ। त्यसैगरी, आज सेन्सेटिभ इण्डेक्स १.६८ अंक बढेको छ भने फ्लोट इण्डेक्स ०.९४ अंक र सेन्सेटिभ फ्लोट इण्डेक्स ०.७२ अंक बढेको छ। आज २२८ स्टकको ३८ हजार ८ पटकको कारोबारमा २ अर्ब १७ करोड ८६ लाख ५५ हजार रुपैयाँ बराबरको ६२ लाख ६३ हजार कित्ता शेयर खरिदबिक्री भएको छ।

नेप्से उकालो लागेसँगै आज दुई स्टकको सेयर सकारात्मक सर्किट लेभलमा कारोबार भएको छ। लाइफ इन्स्योरेन्स कर्पोरेशन र सिवाईसी नेपाल लघुवित्तको सेयर सकारात्मक सर्किट लेभलमा कारोबार भएको हो। त्यसैगरी, आज तेह्रथुम पावर कम्पनी र सिभिल बैंकको सेयरमूल्य ७ प्रतिशतभन्दा बढी बढेको छ। यता, स्वाभिमान लघुवित्तको शेयरमूल्य ५.६८ प्रतिशत घटेको छ भने किसान लघुवित्तको सेयरमूल्य ४.३० प्रतिशत घटेको छ।

कारोबार रकमका आधारमा आज गोर्खाज फाइनान्स शीर्ष स्थानमा रहेको छ। सो फाइनान्सको यस दिन ११ करोड ७२ लाख रुपैयाँ बराबरको सेयर खरिदबिक्री भएको छ। त्यसैगरी, लाइफ इन्स्योरेन्स कर्पोरेशन र सिभिल बैंकको १० करोडभन्दा बढीको शेयर कारोबार भएको छ।

बुधबार १३ उपसमूहमध्ये १० उपसमूहको परिसूचक बढेको छ भने बाँकी ३ उपसमूहको परिसूचक घटेको छ। आज विकास बैंक, वित्त र जीवन बीमा उपसमूहको परिसूचक २ प्रतिशतभन्दा बढी बढेको छ भने जलविद्युत र अन्य उपसमूहको परिसूचक १ प्रतिशतभन्दा बढी बढेको छ। यस दिन बैंकिङ्ग, म्युचुअल फण्ड र निर्जीवन बीमा उपसमूहको परिसूचक घटेको छ।

यो पनि…
अप्पर सोलु हाइड्रोको आईपीओ निष्काशन
डिम्याट खाता र मेरो सेयरको वार्षिक शुल्क नबुझाए खाता रोक्का