चीनलाई नवौं पटक एसियन महिला कपको उपाधि
दक्षिण कोरियाबिरुद्ध पुनरागमन जितसहित चीनले एएफसी महिला एसियन कप फुटबलको उपाधि जितेको छ ।
मुम्बईमा आइतबार भएको फाइनलमा पहिलो हाफ २-० ले पछि परेको चीनले दक्षिण कोरियालाई ३-२ गोल अन्तरले हराउँदै नवौं पटक उपाधिमाथि कब्जा जमाएको हो ।
पछिल्लो पटक सन् २००६ मा उपाधि जितेको चीनको लागि जियाली ताङ, लिनयान झाङ, युजीले गोल गरे ।
कोरियाको लागि चोई युरी र जी सो युनले गोल गरेपनि उपाधि जिताउन सम्भव भएन । नेपाल भने प्रतियोगितामा छनोट हुन सफल भएन । नेपाल छनोट चरणबाटै बाहिरिएको थियो ।
