सेयर बजारमा गिरावट
सोमबार सेयर बजार सामान्य अंकले घटेको छ । हिजो आइतबार सामान्य बढेको सेयर बजार परिसूचक नेप्से आज चार दशमलव २९ अङ्कले घटेर एक हजार नौ सय ७३ दशमलव शून्य एक विन्दुमा झरेको छ ।
आज उत्पादन र माइक्रोफाइनान्स समूहको सेयर सामान्य बढे पनि अरू सबै समूहको सेयर घटेको छ । नेप्से घटेसँगै कारोबार रकममा निकै कमी आएको छ । कुनै बेला एक दिनमै झन्डै २१ अर्ब रुपैयाँको कारोबार हुने गरेकोमा अहिले एक अर्ब रुपैयाँ पनि पुग्न मुस्किल देखिएको छ ।
आज दुई सय २४ वटा कम्पनीको २४ लाख ४४ हजार कित्ता सेयर ९० करोड ९९ लाख रुपैयाँमा कारोबार भएको छ । सबैभन्दा धेरै रिडी हाइड्रोको नौ करोड ९६ लाख रुपैयाँको शेयर किनबेच भयो ।
आज रुरु जलविद्युतको सेयर साढे ६ प्रतिशतले घटेको छ । मैलुङ खोला जलविद्युत् कम्पनीको सेयर भने साढे सात प्रतिशतले बढेको छ ।
यो पनि…
गत साता घटेको सेयर बजार यो साता के होला ?
डिम्याट खाता र मेरो सेयरको वार्षिक शुल्क नबुझाए खाता रोक्का
