आज पनि घट्यो सेयर बजार
सेयर बजार आज शुक्रबार पनि घटेको छ । हिजो बिहीवार एक दशमलव शून्य आठ अङ्कले घटेको सेयर बजार परिसूचक नेप्से आज एक दशमलव ६७ अङ्कले घटेर एक हजार नौ सय ७० दशमलव ६३ अङ्कमा झरेको छ ।
आज जलविद्युत्, माइक्रोफाइनान्स र अन्य समूहको सेयर सामान्य बढेको छ भने निर्जीवन बीमा र उत्पादन समूहको सेयर २० अङ्कभन्दा धेरैले घटेको छ ।
नेप्से घटेको दिन कारोबार रकम पनि घटेको छ । दुई सय १९ वटा कम्पनीको १८ लाख एक हजार कित्ता सेयर ६९ करोड ८८ लाख रुपैयाँमा कारोबार भएको छन् । सबैभन्दा धेरै नेपाल दूरसञ्चार कम्पनीको १० करोड चार लाख रुपैयाँको सेयर किनबेच भयो ।
आज बुद्धभूमि नेपाल हाइड्रोपावरको शेयर चार प्रतिशतभन्दा धेरै घटेको छ । समग्रमा बजार घटे पनि सपोर्ट माइक्रोफाइनान्स र रुरु जलविद्युत् कम्पनीको सेयर नौ प्रतिशतभन्दा धेरैले बढेको छ ।
यो पनि…
गत साता घटेको सेयर बजार यो साता के होला ?
डिम्याट खाता र मेरो सेयरको वार्षिक शुल्क नबुझाए खाता रोक्का
