ह्वात्तै बढ्यो सुनको मूल्य
२०७९ सालको पहिलो कारोबार दिन अर्थात् शुक्रबार सुनको मूल्य प्रतितोला ५०० रुपैयाँले बढेको छ । नेपाल सुन चाँदी व्यवसायी महासंघका अनुसार शुक्रबार छापावाल सुन प्रतितोला ५०० रुपैयाँले बढेर १ लाख २ हजार रुपैयाँ कायम भएको छ ।
यसैगरी, तेजावी सुनको मूल्य तोलाको १ लाख १ हजार ५०० रुपैयाँ निर्धारण भएको छ । यसअघि, बुधबार छापावाल सुन तोलाको १ लाख १ हजार ५०० रुपैयाँमा कारोबार भएको थियो ।
त्यस्तै, तेजावी सुनको मूल्य तोलाको १ लाख १ हजार रुपैयाँ निर्धारण भएको थियो । शुक्रबार चाँदीको मूल्य पनि प्रतितोला १५ रुपैयाँले बढेर १४१५ रुपैयाँ कायम भएको छ । बुधबार चाँदीको भाउ प्रतितोला १४०० रुपैयाँ रहेको थियो ।
यो पनि…
यस्तो छ आजको विदेशी मुद्राको विनिमय दर
