English

धरहराबाट छारे रोगको सचेतना



शनिबारको साँझ । सुन्धारास्थित धरहरा पर्पल कलरले सजाइएको छ । यसरी धरहरा सजाउनुको उद्धेश्य हो, छारे रोगसम्बन्धि सचेतना फैलाउने ।

हरेक वर्ष मार्च २६ का दिन मनाइने विश्व छारे रोग सचेतना दिवसको अवसरमा महाराजगञ्जस्थित नेशनल न्युरो सेन्टर र इपिलेप्सी फाउन्डेसन अफ नेपालको संयुक्त आयोजनामा धरहरालाई पर्पल कलरले सजाइएको हो । पर्पल २६ नेपालको अवधारणामा आधारित रहेर छारेसम्बन्धि सचेतनामुलक सामग्री धरहरामार्फत देखाइएको थियो ।

नेपाली समाजमा छारेसम्बन्धि विविध भ्रम र अन्धविश्वास रहेका छन् । आममानिसमा छारेबारे जति भ्रम छन् ती सबै गलत हुन् भन्ने धारणा विकास गर्नका लागि धरहरालाई पर्पल कलरले सजाएर सचेतनामुलक सामग्री प्रदर्शन गरिएको सेन्टरका निर्देशक तथा वरिष्ठ न्युरोलोजिष्ट डा. लेखजंग थापाले बताए । ‘धरहरा पनि एकपटक लडेर फेरि ठडिएर पहिलेकै स्वरुपमा फर्किएको छ,’ डा. थापा भन्छन्, ‘छारे रोग लागेका मानिसहरु पनि उपचार गराएमा सामान्य अवस्थामा फर्कन सक्छन् भन्ने सन्देश दिनका लागि हामीले धरहरालाई रोजेका हौं ।’

धरहरालाई पर्पल कलरले सिंगारिएसँगै ज्ञानेश्वरस्थित एटिक होटलमा औपचारिक कार्यक्रम गरिएको थियो । जसमा नेपाल पक्षघात संघका अध्यक्ष तथा वरिष्ठ न्युरोलोजिष्ट डा. राजुु पौडेल, नेशनल न्युरो सेन्टरका निर्देशक तथा वरिष्ठ न्युरोलोजिष्ट डा. थापा, उपनिर्देशक तथा वरिष्ठ न्युरोलोजिष्ट डा. सुमन भट्टराई, मनोरोग विशेषज्ञ डा. आशिष दत्त लगायतले छारेको बारे प्रस्तुति दिएका थिए । यसैगरी, कार्यक्रमको प्रमुख अतिथिसमेत रहेको आइओएमका पूर्व डिन तथा मस्तिष्क रोग विशेषज्ञ डा. जेपी अग्रवालले पनि छारे रोगका बारेमा धारणा राखेका थिए ।

साथै, नेशनल न्युरो सेन्टर, नेपाल पक्षघात संघ र स्वास्थ्य पत्रकार मञ्च नेपालको सहकार्यमा सञ्चालन गरिएको छारेसम्बन्धि लेखनवृत्ति कार्यक्रमलाई समापन गरिएको थियो । लेखनवृत्तिमा कार्यक्रममा सहभागि ७ जना स्वास्थ्य पत्रकारलाई नगद र प्रमाणपत्रसहित पुरस्कृतसमेत गरिएको थियो ।

कार्यक्रममा विभिन्न चिकित्सक, नर्स, सञ्चारकर्मी लगायतको उपस्थिति रहेको थियो ।


तस्बिर : किरण स्याङ्बो/मेरोलाइफस्टाइल



Leave a Reply

Your email address will not be published. Required fields are marked *

सम्बन्धित खबरहरु

सहयात्री ढकाल, अमेरिका । नेपाली गीतसंगीतमा सक्रिय गायक, गीतकार तथा संगीतकार सर्गम राईको नयाँ गीत ‘बसी देऊ तिमी…’ सार्वजनिक भएको

काठमाडौं: मलेसियाको विद्युतीय सवारी बजारमा प्रोटोन ई.मास ५ ले अक्टोबर २०२६ मा उल्लेखनीय सफलता हासिल गरेको छ। समग्र ईभी दर्तामा

काठमाण्डौं । अमेरिकामा बस्दै आएकी नेपाली लोकगायिका अमृता लुङ्गेली मगरको स्वरमा तिहार विशेष गीत ‘झिलीमिली देउसी भैलो’ सार्वजनिक भएको छ।

काठमाडौँ : नेपालको अग्रणी डिजिटल भुक्तानी सेवा प्रदायक इसेवाले नेपाल प्रिमियर लिग (एनपीएल) २०२६ मार्फत दुर्लभ तथा सङ्‌कटापन्न वन्यजन्तु रेड

Latest










Popular
Suggested