ढुंगाले हान्दा सांसद घाइते
सर्लाहीको ईश्वरपुरमा क्लवको घर बनाउने विषयमा भएको झडपमा संघीय सांसद प्रमोद साह घाइते भएका छन् । सांसद साहको टाउकोमा गहिरो चोट लागेको छ ।
शनिबार इश्वरपुर नगरपालिका–६, बयलवास बजारमा दुई पक्षबीच झडप भएको हो । झडपमा दुवै पक्षका स्थानीयबीच ढुंगामुडा भएको थियो । सोही क्रममा ढुंगाले लागेर सर्लाही क्षेत्र नम्बर–१, का सांसद घाइते भएका हुन् ।
उनको बयलवास स्थित अमृत हेल्थकेयर अस्पतालमा उपचार भइरहेको प्रहरीले जनाएको छ । बयलवासमा रहेको फुलजोर बाबा युवा क्लवको जग्गाको विषयमा केही दिनयता स्थानीय युवाबीच विवाद बढ्दै गएको थियो ।
विवाद उत्कर्षमा पुगेको अवस्थामा सांसद साह घटनास्थल पुगेलगतै झडप भएको ईलाका प्रहरी कार्यालय केश्वरगंजले जनाएको छ । उक्त क्लबको भवन बाटोमा परेको भन्दै केही समय पहिला आधा भत्काइएको थियो ।
सडक छुट्टाएर बाँकी जग्गामा एक पक्षले क्लवको भवन बनाउन खोजेका थिए ।
यो पनि
यसकारण लगाइयो मोरङको लेटाङमा बिहानैदेखि कर्फ्यू
गलत कामको असर
