युएईले नेपाललाई दियो १७६ रनको लक्ष्य
ओमानामा जारी आईसीसी टी–२० विश्वकप छनोटअन्तर्गत सेमिफाइनलमा युएईले नेपाललाई १७६ रनको लक्ष्य दिएको छ । टस जितेर ब्याटिङ गरेको गर्ने निर्णय लिएको युएईले ७ विकेट गुमाएर १७५ रन जोडेको हो ।
नेपालका लागि जितेन्द्र मुखियाले युएईका चिराग सुरीलाई ४ रनमा बोल्ड आउट गराएका थिए । यसैगरी, ७.३ ओभरमा सन्दिप लामिछानेको बलिङमा अरबिन्द आउट भएका थिए । युएईका लागि उनले २३ बलमा ४६ रन बनाएर खेलिरहेका अर्बिनले २३ बलमा ३ छक्का र ५ चौका प्रहार गरेका थिए ।
यसैगरी, १६.१ ओभरमा नेपालका लागि अभिनास बोहोराले विकेट लिएका हुन्। उनले युएईका मोहम्मद उस्मानलाई आउट गराएका हुन्। सोही ओभरमा बोहोराले मोहम्मद वासिमलाई आउट गराए । १७.१ ओभरमा जितेन्द्र मुखियाले अर्को विकेट लिए ।
त्यस्तै, १८ ओभरमा मुखियाको बलमा ज्ञानेन्द्र मल्लले जवार फरिडलाई आउट गराएका हुन् । १८.५ ओभरमा बोहोराकै बलिङमा सन्दिप लामिछानेले कासिफ दाउदलाई आउट गराएका थिए ।
युएईले दिएको टार्गेट पुरा गर्न सके नेपाल टी–२० विश्वकपमा स्थान पक्का गर्नेछ भने पराजित भएमा अक्टोबरमा अष्ट्रलियामा आयोजना हुने टी–२० विश्वकप खेल्ने सपना चकनाचुर हुनेछ ।
नेपालले यसअघि सन् २०१४ मा आईसीसी टी–२० विश्वकप खेलेको थियो । झण्डै ९ वर्षपछि नेपाललाई यो अवसर आएको हो । नेपालले सन् २०१२ मा युएईमा विश्वकप छनोट खेलेको थियो । त्यतिबेला छनोट हुन सकेन । यसैगरी, सन् २०१३ को विश्वकप छनोटमा भने नेपाल तेस्रो हुँदै सन् २०१४ मा विश्वकपमा पुगेको थियो ।
